O`quv-uslubiy majmua Namangan davlat universitetining 20 yil dagi sonli bayonnoma bilan tasdiqlangan o`quv dasturi asosida ishlab chiqilgan

Zatakt — to‘liqsiz takt bilan boshlanadigan musiqa asari.
Intervallarning sifat (yoki ton) miqdori — (intervallarning sifat (yoki ton) jihatdan kattaligi) - intervalda joylashtirilgan ton va yarim tonlarning soni.
Intervallarning aylanishi — ineterval pastki tovushining bir oktava yuqoriga yoki yuqorigi tovushining bir oktava pastga o‘tkazilishidir. Natijada boshqa interval paydo bo‘ladi va ularni qo‘shganda oktavani tashkil etadi.
Imitatsiya — taqlid: kuy mavzusi yoki alohida kuy parchasining ketma ket ikki yoki undan ko‘p ovozda takrorlanishi.
Instrumental (cholg‘u) musiqa — cholg‘u asboblarida ijro etish uchun mo‘ljallangan musiqa.
Interval — birdaniga yoki ketma ket olingan ikkita tovush munosabati. Pastki tovush asos, yuqorigi tovush uning cho‘qqisi deb ataladi.
Intervallarning son (yoki bosqichli) miqdori — intervallar tomonidan bosqichlarning qamrab olinishi. Sifat kattaligiga ko‘ra interval o‘zining nomiga ega bo‘ladi. Masalan, uch bosqichni qamrab olgan interval – tersiyadir.
Intervallarning lad bo‘yicha echilishi — interval noturg‘un tovushlarining laddagi yaqin turg‘un tovushlarga o‘tishi.
Kadensiya — musiqiy mazmunning xulosasi.
Kanon — polifonik musiqaning bir ko‘rinishi, unda hamma ovozlar bir kuyni ijro etadi, faqat birgalikda (birdaniga) emas, ketma ket tarzda.
Kantata — xor, yakkaxonlar va orkestr tomonidan konsertlarda ijro etiladigan asar. Xor nomerlari, ariyalar va ansambllardan tarkib topadi.
Kalit — qaysidir tovushning nota yo‘lidagi aniq joyini va unga nisbatan boshqa notalarning ham joylashishini ko‘rsatuvchi belgi.
Kalit belgilari — kalit oldida qo‘yiladigan alteratsiya belgilari.
Kvarta — to‘rt bosqichni o‘zida aks ettirgan interval. Agar u ikki yarim tondan iborat bo‘lsa sof kvarta deyiladi. Sof kvarta sof.4 bilan belgilanadi.
Kamaytirilgan etakchi septakkord — garmonik major yoki minorning VII bosqichidan tuzilgan septakkord. U kamaytirilgan uchtovushlik va va kamaytirilgan septima yoki uchta kichik tersiyadan tashkil topadi.