O`quv-uslubiy majmua Namangan davlat universitetining 20 yil dagi sonli bayonnoma bilan tasdiqlangan o`quv dasturi asosida ishlab chiqilgan

Polifoniya—1. Har bir ovozi alohida ahamiyatga ega bo‘lgan ko‘p ovozli musiqa. 2. Polifonik shakllar haqidagi ta’limot.
Prelyudiya — musiqa asari bayon etilishi oldidan kirish pesasi. Nisbatan kichik musiqa asarlarida mustaqil janr sifatida ham uchraydi.
Prima — o‘zida bir bosqichni aks ettirgan interval, ya’ni, bir bosqichning takrorlanishi. Agar bosqich o‘zgarishsiz takrorlansa, sof prima deb aytiladi va sof.1. bilan belgilanadi.
Registr — qaysidir belgisi, asosan tovush tembri bilan birlashgan tovushlar qismi. Harp bir tovushda yoki cholg‘u asbobida shartli ravishda uchta registr farqlanadi: yuqori, o‘rta va past.
Repriza — 1. Musiqa asari qaysidir qismining takrorlanishi belgisi. 2. Qaysidir o‘zgarish bilan kelgan takrorlanish.
Rechitativ — nutqli so‘zlashuv yoki qo‘shiq orasidagi musiqiy deklamatsiya.
Romans— ovoz va jo‘rnavoz uchun mo‘ljallangan musiqa asari. Romanslar ko‘pincha kuychan, sokin xarakterdagi cholg‘u asarlari nomlari sifatida ham uchraydi.
Rondo — mavzusi bir necha marta qaytariladigan (refren) pesa. Asosiy mavzularning qaytarilishi orasida boshqa mavzular (epizodlar) uchraydi.
Ritmik bo‘linishning asosiy ko‘rinishlari — asosiy bo‘linish bilan bir xil bo‘lmagan, cho‘zimlarning erkin teng qismlarga bo‘linishi (masalan, chorak ikki o‘rniga teng uch qismga bo‘linadi va triol deb ataladi; to‘rt o‘rniga besh qismga bo‘linish kvintolni tashkil etadi va h.k.).
Ritm — musiqa asaridagi tovushlar cho‘zimining tashkillashtirilgan ketma-ketligi.
Sekvensiya — ladning turli bosqichi yoki ma’lum intervaldan qaysidir melodik yoki garmonik aylanmaning takrorlanishi.
Seksta — olta bosqichni o‘zida aks ettirgan interval. U agar to‘rt yarim tondan iborat bo‘lsa katta seksta, to‘rt tondan iborat bo‘lsa, kichik seksta deb aytiladi. Katta seksta - kat.6; kichik seksta - kich.6. bilan belgilanadi.
Sekstakkord — tersiya tovushi pastda joylashgan birinchi aylanma, 6 raqami bilan belgilanadi.