O`quv-uslubiy majmua Namangan davlat universitetining 20 yil dagi sonli bayonnoma bilan tasdiqlangan o`quv dasturi asosida ishlab chiqilgan

Sonatina — ijro uchun uncha murakkab bo‘lmagan, nisbatan kichik o‘lchamga ega bo‘lgan sonata.
Soprano — xotin – qizlarning yuqori (baland) ovozi. Soprano uchun P.CHaykovskiyning «Evgeniy Onegin» operasidan Tatyana partiyasi va «Pikovaya dama» operasida Liza partiyasi yozilgan.
Stakkato — tovushlarning uzib-uzib ijro etilishi. Notaning usti yoki ostiga nuqta qo‘yish bilan belgilanadi.
Subdominanta — ladning to‘rtinchi bosqich tovushi.
Subdominanta uchtovushligi — ladning IV bosqichidan tuzilgan uchtovushlik.
Syuita — mazmuni bo‘yicha kontrast xarakterda tuzilgan, bir nechta mustaqil qismlardan tashkil topgan ko‘p qismli musiqa asari.
Takt — musiqa asarining bir kuchli hissadan ikkinchi kuchli hissagacha bo‘lgan parchasi.
Takt chizig‘i — taktlarni bir-biridan ajratuvchi vertikal chiziq. Takt chizig‘i taktdagi kuchli hissa oldidan qo‘yiladi.
Tasodifiy alteratsiya belgilari — bevosita nota oldidan qo‘yiladigan alteratsiya belgilari.
Tabiiy major — bosqichlari o‘zgartirilmagan major. Tabiiy major gammasining tuzilishi: ton — ton — yarim ton — ton — ton — ton — yarim ton.
Tabiiy minor — bosqichlari o‘zgartirilmagan minor. Tabiiy minor tabiiy parallel major bilan bir xil tovushlar tarkibiga ega bo‘ladi.
Tasodifiy alteratsiya belgilari — qarang: tasodifiy alteratsiya belgilari.
Taktda tovushlar cho‘zimining guruhlanishi — takt o‘lchoviga ko‘ra notalarning guruhlarda joylashtirilishi.
Takt o‘lchovi — nota yo‘li boshida, drob shaklida qo‘yilgan raqamlar. Uning surati taktdagi hissalar sonini, maxraji esa ularning cho‘zimini bildiradi.
Tovush — qayishqoq tananing (masalan, simtor, havo ustuni) tebranishi natijasi. Tovushlar musiqiy va shovqinlilarga bo‘linadi.
Tovushqator — balandligi bo‘yicha joylashgan tovushlar qatori. Alohida ladlar, cholg‘u asboblari, qaysidir musiqa asarlari yoki parchalarining tovushlar qatori.