O`quv-uslubiy majmua Namangan davlat universitetining 20 yil dagi sonli bayonnoma bilan tasdiqlangan o`quv dasturi asosida ishlab chiqilgan

Tonallik — ladning balandligi. Har bir tonallik tovushlar tarkibini belgilovchi o‘zining kalit oldi alteratsiya belgilari bilan farq qiladi.
Tonika — ladning birinchi bosqichi.
Tonika uchtovushligi — ladning birinchi bosqichidan tuzilgan uchtovushlik.
Transpozitsiya — musiqa asari yoki uning biror parchasining ma’lum tonallikdan boshqa tonallikka o‘tkazilishi.
Trel (melizm) — asosiy va yuqori yordamchi tovushlarning bir tekis, jadal almashib turishi.
Tremolo — bir yoki bir necha tovushning ketma-ket, jadal takrorlanishi.
Triol — uch notadan iborat bo‘lgan ritmik shakl (figura). U ko‘pincha notaning pasti yoki ustida 3 raqami bilan belgilanadi.
Uvertyura — asarning yaxlit mazmunini qisqa tarzda ifoda etadigan (operaga, dramaga yoki qaysidir teatr asariga) kirish. SHuningdek, mustaqil uvertyuralar ham (odatda dasturli xarakterdagi) uchraydi. Masalan, P.CHaykovskiyning «Romeo i Djuletta» asaridagi «1812 yil» uvertyurasi.
Undetsima — o‘zida o‘n bir bosqichni aks ettirgan interval. Undetsima agar sakkiz yarim tondan iborat bo‘lsa sof undetsima deyiladi va sof 11. bilan belgilanadi.
Unison — balandligi jihatidan bir xil ikki tovushning yangrashi.
Uchtovushlik — tersiya bo‘yicha joylashgan, uch tovushdan iborat bo‘lgan akkord.
Uchtovushliklarning aylanmasi — pastki tovushi asosiy uchtovushlikning tersiyasi yoki kvintasi bo‘lgan uchtovushlik.
Uchtonlik (triton) — uch tondan iborat intervalning nomi. Uchtonliklarga orttirilgan kvarta va kamaytirilgan kvinta kiradi.
Faktura (tuzilish) — musiqaning ifoda vositalari bayon etilishi vositasi. Fakturaning asosiy ko‘rinishlari: vokal, cholg‘u, xor, orkestr, fortepiano va h.k.
Fermata — asarning xarakteri va ijrochining uslubini ifodalab namoyon etilgan erkin tarzdagi cho‘zilgan pauza.
Final — musiqa asari yakuniy qismining nomi.
Fortepiano — klavishlarni bosganda to‘qmoqchalar tornga urilib tovush hosil qiladigan cholg‘u asboblarining umumiy nomi.