O’qish 4- sinf 1-dars Mavzu: Istiqlolim- istiqbolim. Mangulikka tatigulik kun

86- dars
MAVZU: NIMA YAXSHI VA NIMA YOMON?
O'quv materiali. Nurxon bilan Burxon. Miraziz A'zam
Darsning maqsadi.
1. She'r mazmuni va uning g'oyasi bilan tanishtirish, asarni qismlarga ajralish va qahramonlarni to'g'ri baholashga o'rgatish.
2.O'quvch ilarni bir-birini hurmat qilishga, kekkaymaslikka, birovni mazax qilmaslikka o'rgatish. Ularni yaxshilik qilishga da'vat etish.
3.Ifodali o'qish ko'nikmalarini takomillashtirish.
4. Bog'lanishli nutqini o'stirish. Nutq madaniyatini tarbiyalash.
Dars turi. Yangi bilim beruvchi, she'r o'qish darsi.
Dars metodi. Mustaqil ish, suhbat, tarmoqlash metodi, guruhlab o'qitish metodi.
Dars jihozi. Nima yaxshi, nima yomon mazmunidagi va she'r mazmuniga moslab ishlangan rasmlar, savatcha.
Darsning borishi.
I. O'tilgan darsda o'rganilgan «Qodir bilan Sobir» hikoyasi yuzasidan o'quvchilar bilimini aniqlash, mustahkamlash va boyitish.
1. Hikoya yuzasidan suhbat. Qodirning qaysi ishlari sizga yoqmadi?
Sobir maqtonchoqmi yoki maqtanchoq emasmi? Javobingizni misollar bilan asoslab bering. Sobirning Qodirga aytgan hamma gapini to'g'ri deb hisoblaysizmi?
U o'rtog'ining kamchiligini tuzatishga yordam berdimi?
2. Hikoyani o'qitish orqali o'quvchilarning o'qish ko'nikmalarini aniqlash: Qodirning maqtanchoqligi ifodalangan o'rinlarini topib o'qing. Qodirning qo'rqoqligi ifodalangan o'rinni o'qing. Qodirning yolg'on gapini Sobir qanday to'g'riladi? Shu o'rinni topib o'qing.
3.Rollarga bo'lib o'qitish.
Hikoyaning «Hali hech narsadan qo'rqmayman demaganmiding? — dedi unga Sobir» xat boshisidan boshlab o'qitiladi.
4. Hikoya qahramonlari ustida ishlash. Bir guruh Sobirga, 2-guruh Qodirga tarmoqlar usulida (yoki tizimida) tavsif beradi.
Qodirning xususiyatlarini tarmoqlash usulida tasvirlang.




5. Hikoya yuzasidan tarbiyavi xulosa chiqarish. Qodirni qanday bola deb bilasiz? Uning qaysi xislatlarini qadrlash kerak? Maqtan-choqlik haqida qanday fikrdasiz?