Олабўжи романдан катта хикоя

Ултон Набининг сўзини тинглаётган эса-да, кўз қири Баҳорда эди. 
Майдонга кириб, нақ милиса қошида тўхтаган баргранг – 
ҳарбийларникига ўхшаш “Газик”дан йўғон бир рус тушмоқда, Баҳор 
бўш қўлини манглайига соябон этиб, кулумсираб турарди. 

---

32 
– Оиласи яхши, укаси мард... 
– Кимнинг? 
– Баҳор опанинг-да! – шунда Наби ҳам бинога қайрилди-ю: – Эҳ, 
эҳ, ўлмаптилар, – деди. 
Рус киши бошидан похол шляпасини олиб, энкайганича Баҳорнинг 
қўлини ўпарди. 
– Қизиқ, – деди Ултон ҳам ғижиииб. – Бу нима қилиқ экан... 
Баҳорга ёқяпти, дейман. 
– Ёқмасаям... – деди Наби пишиллаб, – райкомнинг иккинчи 
секретари у киши! 
Ултон Набига тикилди. 
– Иккинчи секретари? 
– Билмайсизми? 
– Э, менинг... нима ишим бор шулар билан! Идеология котибини 
билардим, холос. 
– Бир жал... – тилини тийди Наби. – Мен салом бермайман. 
Қўрқади мендан лекин. “Набижон, Набижон”, деб туради. 
Ултон унга ёмон сўзи учун дакки бермоқчи эди, кўзи яна 
анавиларга оғди. 
– Эй, бу... опанг шунчалик баландми, а? – яна сўради у. – Ё райком 
секретарлари ўзгариб кетган-у, мен ҳаётдан орқада қолганманми? 
Наби елкасини учирди. 
– Ўриснинг одати маълум... Айниңса, Таракановнинг ҳаммага 
яхши кўрингиси келади. Чолларгаям эгилиб салом беради... Тўқлибой 
ака бўлса опани ҳурмат қилади. Амбулаторияга бориб ишлашни ҳечким 
истамаган экан. Қўлдош сўтак ҳам кўндиролмаган. Кейин Тўқлибой ака 
Баҳор опага бир оғиз айтган экан – тамом. Айтмоқчи, Тўқлибой 
Қўчқоров у кишига дарс берганлар... Наҳот билмайсиз? Менимча, опаям 
“Карл Маркс”да ўқиган.