Олабўжи романдан катта хикоя

Наби яна кулиб юборди. 
– Ҳе, эна... Чин опам бўлсангиз, ўлдирардим! 
– Оғзингдан чиқиб, ёқангга тармашсин, – деди Баҳор. – Хайрият, 
укам эмассан. – Сўнг кутилмаганда жиддийланиб: – Умар жинниям 
етади... – деди. 
– Сомсахонада кўринмади-я? 
– Термизга кетган... Қуриб кетсин шу Афғониям. Бошга битган 
бало бўлди... Ултон ака, сиз биларсиз, қачон тугар экан бу уруш? 
Ултон ҳушёр тортиб: 
– Урушми? – деди. – Яқин-орада тўхтамаса керак?.. Мен бир 
тарихчи сифатида айтишим мумкин, – дея чайқалиб давом этди у: – 
Бизда... хусусан жанубимизда босмачилик ҳаракати ўт-тиз ик-иккинчи 
йилгача давом этганди, Баҳорой! Ўттиз иккинчи йилгача!.. Бу нимани 
кўрсатади? Бунинг устига, Афғонистондаги социал шароит бизнинг 
Бухоро амирлиги давридаги шароитдан деярли фарқ қилмайди... 
– Ҳе, қирилиб кетсин бари, – деб тўнғиллади Баҳор. – Хайрият, 
укам армияни битириб келган. Йўғасам опкетарди. – Кейин мунгланиб 
қўшимча қилди: – Опқолиш ҳам мумкин эди-ю... 
– Опқолишяпти! Пули борлар опқолади! – деди Наби. – Бу секрет 
эмас! 
– Дунё шу экан-да! – Баҳор яна сочлари тагидан бармоқларини 
тиқиб, бошини силкитди. 
Ултоннинг димоғига тағин... бояги атир ҳиди урилиб, кўз олди 
айланиб кетгандай бўлди. Ва орқага солиниб, бир зумга кўзларини 
юмди. 
Наби қаршисидаги кўзгуда тағин Ултонни кузатиб, мошинани 

---

41 
секинлатган эди. Аммо дарага кириб бораётгани, у ерда қирғоқдан 
оққан сел сувлари ўйиб юборган жойлари кўплиги, демак, уйңудаги 
одамнинг уйғониб кетиши турган гап экани учунми: 
– Ҳе-ей, домилла Султонов! – деб бўғиқ қичқирди. – Дарага келди-