Олабўжи романдан катта хикоя

тушади. 
Набибой қишлоққа яқинлашар экан, Ултонга бир “қизнинг 
қизиқиши”ни айтган, аниқроғи, бу борада гап очган ерига етганда: 
– Эй, домилла! – деб қолди бирдан. – Районга бораётганда нима деб 
эдим сизга? 
– Нима? Кўп гапирган эдинг, – деди Ултон. 
– Э-э! Бир жонон ҳақида... 
Баҳор сергакланиб кулди. 
– Ну-у, сизларнинг бунақа гапларинг ҳам борми! 
– Эсладингизми? – Наби дўқ қилиб сўради. 
– Э-ҳа, – Ултоннинг юраги шувиллаб кетди. Айби фош бўлгандек 
сўлиш олди-ю, шу заҳоти... Баҳорга ялт этиб қаради: унинг сочи, оппоқ 
кўйлаги, атир бўйи – бари бир бўлиб унга аллақандай ёпирилди ва 
Ултон орқага тортилаётганда Набининг қайсар-сурбет кишиларга хос 
овозини эшитди: 
– Ўша қиз... шу киши бўлса-чи? ...Ҳе-е-е! – Сўнгра, лочин човут 
соладиган какликдек бўйнини ичига тортди. 
Баҳор: 
– Вой, ярамас бола! – деди-да унинг елкаси, тиззаларига устма-уст 
мушт тушира кетди. – Ёлғончи... Ҳу, сени Бўтабой Сўпига айтиб 
ҳайдатмасам, ана, кўрасан! Дунё опанг ҳам мен тараф бўлиб кетади... – 
Кейин чуқур хўрсиниб юборди-да: – Ултон ака, бунинг гапига парво 
қилманг, – деди. – Феълини биласиз-ку? 
– Ҳа-ҳа, – деб чайналди Ултон. 
Наби мошинани секинлатиб, қатор тутзор орасидан тубанга эниб 
кетган тошлоқ йўлга бура бошлади. 
– Мактабгами? – Ҳўв, сизлардан сўраяпман? 
– Ҳа-ҳа, – деди Баҳор ҳам. 

---

44 
 
 
 
 
 
10 
Наби йўлни “териб” ҳайдаб, Оқсувнинг ягона илм ўчоғи – 
Крупская номи билан аталадиган мактабга етди. 
– Келдик! 
Баҳор эшикни очиб, кўмир палахсаларидан холи жойга тушди.