Олабўжи романдан катта хикоя

Кўриб, ҳайрон қолди-ю, танигач – баттар бўлди. 
– Абдуқаюм ака? 
Новвой иссиқ табассум қилиб, тугунни кўтариб кўрсатди. Сўнг 
қуйи лабини тишлаб, бошини сарак-сарак қилди. Етиб келгач: 
– Янги костюмингиз, – деди. – Бундай юриш... уят бўлади. 
– Тавба! – деди Ултон. – Омадим юришгандан юришяпти! 
– Қачондир юриши керак эди-да! 

---

256 
– А, мени кийинтириш каллангизга қаёқдан келди-я?
– Вей! Қизиқмисиз? – У ўзининг уст-бошига ишора қилди. – Мен 
ясаниб олдим-у! 
– Бироз катта келганди... 
– Ўзим келиштираман. 
– Марҳамат, ака. 
– Келин билан гаплашдингизми? 
– Ҳа. – Ултон унга йўл берди-ю, яна кўзлари намланди. – Ака, у... – 
чайналди-ютинди, бош қимирлатди. – Мўъжиза... 
– Нима, нима? 
Ултон овози олиниб шивирлади: 
– Энамни... Энамни зиёрат қиламиз. Олдин... 
– Ў-ў-ў, зўр ўйлабсиз-да, Ултонжон. 
– Мен эмас... ундан чиққан фикр бу. 
– Баҳордан? 
– Ҳа. 
– Э-э, олийжаноб инсон экан-ку! – хитоб қилди новвой. – Қойил-е! 
– Гул қўяр эканмиз. 
– Муни қаранг-а! 
– Мен эсам, мен... – овозида ҳам йиғи сезилди. – Ҳатто эсламовдим 
энамни... 
– Худога шукр. Эзгуликнинг кечи йўқ, оғажон... Ҳе-е, шунинг учун 
эр- хотин қўш ҳўкиз дейдилар. Кечирасиз, ўхшатишим қўпол чиқди. 
Яъники, бирининг камчилигини бири тўлдиради... 
– Яшанг, ака. 
– Қаерда учрашадиган бўлдингизлар? – уйга киргач, сўради 
Абдуқаюм. – Мошина тайёр. Зокир Ўриновнинг “Победа”си. Ишқилиб, 
улов-да... Келишди ҳозир. Узоқ ака билан. Домла хурсанд. Ёнғоқ остига 
обордим. Яримта билан газак қўйдим... Шу мошинани ўзим ҳайдаб