Олабўжи романдан катта хикоя

– Ин-те-рес-но! 
– Эшитаман, домла! 
– Бўтабой Сўпи телефон қилди. – Директор шундай деб, Ултонга 
тикилиб қолди. – Сиз ҳам эшитдингизми, Ўзоқбой? Эй, башарангиз 
мунча чучмал... – Яна Ултонга мурожаат этди: – Ҳа, ўзи қўнғироқ 
қилди! Биз уни-буни ёзиб ўтиргандик. Кабинетда. Сизлар кетгандан 
кейин. Боя. 
– Хўш? 
– Мана, Тўлаганов ҳам эшитди. 
– Хўш, нима деди? Нима учун?.. Сизлар гаплашмасдинглар чоғи? 
– Албатта! – Зокир Ўринов хезланиб қўйди. – Албатта! – Кейин 
истеҳзоли табассум билан: – Ўзи телефон қилди, – деди. 

---

104 
– Вой, нима деб? 
– Дейдики, аблах,... – Домла тағин бошини ликиллатди. – Дейдики: 
“Эртан-мертан қурилиш бригадаси мактабга боради, ўртоқ Зокир 
Ўринович!” 
– Эртанга? 
– Эртанга. Ҳа-ҳа-ҳа! – Директор чайқалиб кулиб, пиёлани кўтарди, 
томчи қолдирмай ютди. Сўнг роҳатланиб: – Аҳ, аҳ, – дея кафти билан 
оғзини артди. – Қани, чекишга бер... Меники мошинада қопти. 
– Марҳамат. 
Зокир Ўринов Ултон чақиб тутган гугурт ўтидан сигаретни 
тутатиб олди. Сўнг маза қилиб сўриб, тепага пуфлади. Кейин 
кутилмаганда жиддий тортиб: – Ўзи, Ултонбой, нима гап бўлган эди у 
ёқда? – деб сўради. – Тўқлибой Қўчқоров билан? У, менимча, мактабни 
текшириб борганларингдан кейин... ёзма ахборотларингга қараб, бирон 
чора-тадбир белгилашни айтиши керак эди, а? 
– Худди шундай! – деди Ултон ва ўзининг... районга бориб келиши, 
пироварди, мактабни кўриб чиқишиям – беҳуда-бемаъни ҳаракат бўлиб 
туюлди. Бундан чиқадики, райкомга бормасаям бўлар экан? Унда нега 
чақиради?.. Шунда Тўқлибой Қўчқоровнинг котиба қизга: “Бўтабой