Олабўжи романдан катта хикоя

Сўпини топ!” дегани ёдига тушди-ю, секретаридан қайтган овозни ҳам 
аниқ эшитди: “Хўп...” – Айтмоқчи, – дея давом этди у, – у киши 
идоранинг ўзидаёқ Бўтабой Сўпини йўқлаган эдилар. 
– Демак, сизлар чиққандан кейин гаплашган? 
– Шундай бўлиб чиқади-да. – Ултоннинг яна зардаси қайнаб кетди: 
демак, Зокир Ўринов берадиган таклиф-талабларгаям эҳтиёж қолмади? 
– Йў-ўқ, – деди директор ўйланиб. – Бўтабой Сўпи менга шундай 
гапирдики, гўё бу масалани аллақачон ҳал қилишгандек... Унинг 
гапларини эшит: “Тоғ Пайғамбарнинг олдига бормаса, Пайғамбар 
тоғнинг олдига келар эмиш”, деди. Эшитяпсанми? – Кейин мийиғида 
кулиб қўйди. – Яна дедики: “Сиздан ўтган бўлса биз авф этайлик, биздан 

---

105 
ўтган бўлса – сиз!” 
– Балки Тўқлибой ака унга зулм қилгани учун шундай дегандир? – 
эътироз билдирган бўлди Ултон. 
– Балки, балки... – жиддий эътироз билдирмади Зокир Ўринов. 
Кейин яна кулди. – Бироқ зулм... қила олмайди унга! 
– У ҳолда... 
– Илтимос қилган бўлиши мумкин-а? Ахир, Бўтабой Сўпи – 
Қўчқо- ровнинг соғин сигири! – Кўзлари жодугарникидек йилтиради. – 
Бўтабой бермаса, Тўқлибой оч қолади! – Кейин тўнғиллаб қўйди. – Рост, 
бошқалардан ҳам ейди... 
Ултон мунозарани давом эттиришдан наф йўқлигини англаган эса-
да: 
– Унда нимага ҳайрон бўляпсиз? – деди. 
– Сизларни юборганига. 
– Ахир, биз чиққандан кейин қўнғироқ... 
– Нима, сизлар ўйинчоқми? 
– Бу гапингиз рост. 
– Демак, бу ерда бошқа бир сир бор. 
– Сир? 
– Мен “сир” деб ўйлайман... Сиз-чи, Ўзоқбой? 
– Менда фикр йўқ. 
– Қачон бўлган эди?