Олабўжи романдан катта хикоя

– Фойдаси йўқ, – деди Ултон. – Қолаверса, Қаюм ака, мени бу 
мавэу қизиқтирмайди. Умуман... 
– Сизни табиат... 
– Ҳа. 
Ултон беихтиёр Тўқлибой Қўчқоровнинг идорада Машрабдан 
айтган бандини эслади: 
“Ушбу даврон ҳам ғанимат, олмағайди кошки”. 
– Ҳа-а, ихтиёр ба шумо, – деб қўзғалди Абдуқаюм. – Менга авоб 
берасиз. Раис уйда бўлгандайди... Тандир қизияпти... 
...Новвой кетди. Ултон анчагача бош кўтармай қолди. Унинг 
юраги сиқиларди: булар шундоқлигини билади. Нега яна куйинади? 
– Ултон ака, жиндак дам оласизми? 
– Э, Ашим?.. Майли, шу ерда... Шампан ўлгур ланж қилди. – Сўнг 
алланечук (тавба, айиққа ўхшаб) инқиллаб кўрпачага чўзилди. – Уф, 
қўлимиздан ҳеч нарса келмайди-я. Ҳеч кимнинг... Ҳамма ерда аҳвол шу. 
– Нима-нима? 
– Чўлпоннинг “Халқ” деган шеъри бор. Нима эди... 
 
 
 
 
 
27 
Қош қорая бошлаган, ток чирмашган ўрикда беҳисоб майналар 
дарғазаб бўлгандек бор овозда чуғурлашар, шунга қарамай, сойнинг 
босиқ шовуллаши ҳам баралла эшитилар эди. 

---

113 
Ултон туриб ўтирди-да, дастурхон йиғиштириб кетилганини, 
кўрпачанинг чети букланиб – болиш қилиб қўйилганини кўрди. 
– Ашим! 
Жавоб қайтмади. 
“Кетипти, – деди ичида у ачиниш билан. – На чора!” 
Шу пайт ёнғоқ ортидан – ёнбағирдан Ашим чиқиб келди. 
– Эҳ, уйғотиб юбордимми? 
– Йўқ. Соат неча бўлдийкин? 
– Ана, билагингизда. 
– Ҳа... “Время”гача бир соат қопти. Бир соат, бир соат... Оббо, 
соқол ўсипти-ку? Қаерда эдинг? 
– У ёқда. Районга кетай десам, “эртага иш бор”, деди бригадир.