Олабўжи романдан катта хикоя

– Нима бўлса... бўлади. 
– Ҳе, сиз-а... Билама-ан. – Кейин бақириб юборди. – Ўзингизниям 
жонингиз кетади-ку кейин? 
– На чора. 
– Вой, худойим!.. Аммо лекин шу тўй бўлмаганда, – деди у чертиб-
чертиб, – Баҳорнинг укаси уни бир бало қилар эди! Унинг қўлидан 
келади... 
– Уям билар экан-да? 
– Галварс... – Турсунтош юзини ўгирди. – Ғафлат босган банда. 
Романтика! 
– Сиз уни қайдан билдингиз? 
– Хўжайин айтган эди. Ана, келса, сўранг... Ашим бор-ку, Қорабой! 
Шундан эшитган экан... – У яна тутақиб кетди: – Уларнинг уйига 
совчиликка борганини айтинг! А? Ни-ма-га боради райком секретари? 
Сиз унга ким бўласиз? Баҳор-чи?.. Хўп, Султон бобо област советининг 
депутати дейлик... Нима бўпти! Депутатдан депутат кўп! Қолаверса, 
уларда зиғирча обрў йўқ. Қўл кўтаришни билишади, холос! Кечирасиз... 
– Нега, – деди Ултон, – Мен ҳам биламан. 
– У ёғини сўрасангиз, – давом этди Турсунтош. – отангиз ҳақидаям 

---

529 
кеча... Кеча Дунёнинг уйига бориб эдим-да! Шунда Бўтабой Сўпи 
истамай гапирди. “Нима деди?” деб сўраманг. Яхши тушунмадим... 
Лекин охирида чол даъвогар бўлиб юрса, ўзига қийин бўлади, дегандай 
гап қилди... Менга қаранг! Ҳали отангиз билан... 
– Йўқ, – деди Ултон. – Хўш, демак, Тўқлибой Қўчқоров ўша 
ишларни... 
– ...ўзи учун қилди! Вассалом! –Турсунтош тағин сўкинди. – 
Шундай қилиб, ҳам ўзини оқлаб олди, ҳам айтганингиздай обрў 
орттирди хунаса... Билмаган пандавақилар бўлса, мақтаб юришипти 
уни... 
– Демак, ҳамма билмас экан-да? 
– Э-э! Елкасида тезак тутаса, ҳидини билмайдиганлар озми? 
Умуман, талай одам билади. Махфират опа билан Одил миршаб...