Олабўжи романдан катта хикоя

Миршаб суҳбатга қўшилиш учун бир баҳона кутиб турган эканми: 
– Тўғри айтасиз, – деди ва бемалол ҳиринглаб кулди. – Нимага биз 
билан кўришмайсиз, ўртоқ Султонов? Иш битди, эшак сувдан ўтди, а? 
Қўчқоров ҳам миршаб билан минг йиллик қадрдондек қиқиллаб 

---

448 
кулди. 
– 
Шуни 
айтинг, 
Одилбой... 
Айтмоқчи, 
Иванларни 
жўнатдингларми? 
– Марказда кўча супуриб юрипти. – Сўнгра бош котибга 
очиқчасига деди: – Райондан чиқариб юборайлик, Тўқлибой 
Қўчқорович. Ғишт заводида иш бор-у, ўзимиздаям ёшлар кўп... 
Ултон ҳайрон қолди: “Булар жуда яқин-у?.. 
Ў, миршаб-е! Керилганича бор шекилли”. 
Қўчқоров эса ўзининг атрофдагиларга қавм эканини таъкидлаш 
ва шу асно уларнинг ҳурматини кўпроқ қозониш учунми: 
– Менга қолса-ку... – деб тиришди. – Тараканов бундан 
хабардордир? 
– Биласиз-ку, – деди милиса. – Ўн беш кунлик паспорт ёзиб 
беринглар, депти начайликка... Майли, қолса қолар-у, салдан кейин: 
“Сизларга маданият опкелдик!” деб... 
– Ну, ну! – Бошкотиб миршаб ҳаддидан ошаётгани учунми, ё бошқа 
нарса эсига тушдими – унинг гапини бўлди. 
– Энди, катталик қилади-да, барибир. 
– Бўпти! – деди Тўқлибой Қўчқоров. – Иккита нонхўр кўпайгани 
билан биз оч қолмаймиз. Бағримиз кенг, а? – У Ўзоқ Тўлагановга кўз 
қисиб қўйди. 
– Ҳарқалай... – деб ғулдиради илмий мудир, – Катта оғамизнинг 
вакили... 
Ултон уф тортиб, сигарет тутатди. Тўқлибой Қўчқоров ҳам 
эшитгиси келмай теварак-атрофга кўз ташлар экан: 
– Э, ҳалиям турибсизларми, ўтиринглар-е! – деди ўқувчиларга. – 
Овқатларинг совиб қолди-ку?