Олабўжи романдан катта хикоя

– Етиб қолар... Айтмоқчи, синфдошинг айтиб эди, келиннинг 
шароити бошқача, деб. 
– Бошқача! 
– Қиламиз, тузаймиз, – деди чол. – Мебел... депутатга топилар. 
– Раҳмат. 
Ултон билан баробар чол ҳам жилди. Бироз юришгач, ўркачга 
чиқишди. Бу ёқда – энишдаю қарши бетларда сап-сариқ янтоқлар атай 
бўяб қўйилган-де кўринар, йироқдан пўстлоғи арчилмаган арча 
харисига ўхшаб сўппайиб Етимчўққи тарафдан киши билмас салқин 
елпинди эсар эди. 
Ултоннинг ҳаяжони сўз бўлиб тилига келди: “Ў-ҳў, қалайсан?” деб 
юборса. Чол эса, бу тоғлар меники, улардан катта дардим бор, деган 
каби ўйланиб: – Улим, шу би-ир масала бор-да, – деди. 
– Айтинг. – Сўнг қариянинг оҳангидан мунгни англаб, хўмрайиб 
қаради. – Нима гап?.. Мабодо келинингиз ҳақида эмасми? Айтаверинг. 

---

406 
– Йў-ў-йўқ. – Чол чап қўлини силкитиб қўйди. – Асло. Мен 
ниҳоятда хурсандман.. Хотинлар энди инжиқлик қилади, гаплашгимиз 
келади, деб. Мен айтдим: “Қўйинглар, ўйнасин улар!” деб... 
– Раҳмат, ота. – У тағин бор-икки кун “ўйнашлари”ни айтмоқчи 
бўлди: демак бу оқшом “чарлар”га боришса, эртага... йўқ, индинга 
Таракановнинг уйида бўлишлари керак. Демак, қайтишда яна 
амбулаторияда ётиб қолиш мумкин... 
– Гап шундаки, улим, бизнинг бир камчилигимиз бор
г
 – деди чол. 
– Хўш? 
Улар телпак-телпак бўлиб ўсган янтоқлар орасидан супуриб 
қўйилгандек тақир жойлардан юриб, арнадан ўтдилар. Яна ёнбағирга 
секин ўрлашар экан, чол ўзга мулоҳазага бордими, тайсаллай бошлади: 
– Бу камчилик талай чўпонларда бор. Бурундан бор... 
– Ота, “камчилик”ми? 
Бобо ўғлига тик қаради.