Олабўжи романдан катта хикоя

Сўнг аста сочиқни кўтарди: “Золотое руно” бор экан. 
У беҳол тортиб суянчиққа ястанди. 
Шунда ўзга бир мунг ва мунислик ила янги қўшиқ тарала 
бошлади: 
 
Ҳеч кима маълум эмас ҳоли паришоним менинг,
 
Осмонни пора қилди оҳу афғоним менинг. 
 
Мен нечун шод этмайинким хаста кўнглумни букун, 
 
Келди ҳолимни сўраб жон ичра жононим менинг.
 
Эй ситамгар, келгилу акнун шаҳид этгил мени,
 
Мавж урсин Карбало даштида бу қоним менинг... 
...Шу пайт Баҳорнинг диванга ўтириб, пиқ-пиқ йиғлаётганини 

---

396 
кўрди. 
– Баҳор? – ирғиб турди Ултон. 
– Э, шуни эшитсам... – Баҳор ёнига майишиб, магнитофонни тағин 
ўчирди. Сўнг... 
...Ултонга термулиб қолди-да: 
– Шу гаплар бари сизга экан, – деди. – Ўлай агар! Нега бундай, а? – 
хўрсиниб энгашди ва кўзларини юмди. – Бир куни сизга... бир сирни 
айтиб бераман. 
Ултон унинг тепасига келди. 
– Ҳозир-чи? 
 – Йўқ. 
– Балки... 
– Айтдим-ку? 
– Хўп. 
– Э, худойим! – бирдан нола қилди у. – Мен билмас эдим! Сизни, 
сизни... 
– Менимча... 
– Тушунмадингиз. – Кейин бирдан илжайиб, унга боқди. – 
Кечирасиз. 
– Ҳақиқатан ҳам. Ҳеч нарсани тушунмадим.
– Раҳмат сизга... Сиз яхши мерган-а? 
– Ҳарқалай. 
– Биламан... Хўп, бу гапни бас қилдик. – Ўрнидан турди-ю, ўтирди. 
– Ўзим аҳмоқ! Сиз туфайли шундай бўлдим. – Сўнг аччиқ қаҳ-қаҳ отиб 
кулди. – Бир гап эсимга тушди. “Олийжаноблигинг жигаримни эзди”, 
деган экан биров. 
Ултон ҳам беихтиёр кулиб юборди.