Олабўжи романдан катта хикоя

уч-тўрт қадам жилиб қўйган, уйдан пилдираб чиқиб келаётган оқ 
халатли кампир эса: 
– Хуш кўрдик-е, хуш кўрдик, – деб жаврар эди. – Бир кунда 
соғинтириб қўйдинглар! 
“Тўйга бормаган экан”, кўнглидан кечирди Ултон. Сўнг уларнинг 
кўришиб, 
сўрашиб 
бўлишларини 
кутди. 
Кампир 
дўхтирнинг 
саволларига негадир шивирлаб жавоб қайтарди. Кейин Баҳор 
этакларини чимдиб кўтариб, зинага ўрлади-ю, кампир Ултонга пешвоз 
юриб ва йиғламсираб: 
– Келинг, улим, келинг, – деди. 
Ултон унга елкасини тутиб энгашди. Ҳожар опа унинг кифтига 
қоқиб, кўзларига ёш олди. 
– Кўпга киринглар, ували-жували бўлинглар, илоҳим... 
Ултон бирдан томоқ қирди. 
– Хўш ўзингиз қалайсиз, хола? Тўйда бордингизми? 
– Э, албатта, – деди кампир. Кейин жилмайди. – Узоқдаги 
танишларниям кўрдим. Расул акаям келинлари билан келган экан... 
– Ҳа. 
– Хўп дардлашдик. Бечоранинг улидан хат узилиб қопти. 

---

393 
Авғонистонга кетган ули бор-ку? 
Ултон хўмрайди. 
– Ҳа, энди... Ҳа, ўзингиз дамлими? Айтмоқчи, қаерда турасиз? 
– Ана, қироатхонанинг ортида... Чолимиз ўлиб кетган. Бизниям 
тенг- тўшлар кетиб бўлди. Ўзимиз омонат бўп қолдик... Айтгандай, кеча 
энангизни қабрига бордингларми? 
– Бордик. 
– Хўп иш қипсизлар-да... Энди ҳаммамиз ҳам бу дунёда ғанимат... 
Ултон унга тикилди: кампирнинг тағин нимадир дегиси бор эди. 
Шy пайт уй эшигида пайдо бўлган оқ халатли Баҳор бирдан 
қовоғини уйиб: Келмайсизми энди? – деди. Кейин Ҳожар холага буюрди: 
– Опа, сиз уйингизга бораверинг! 
Кампир кўксида тутган қўллари қалтираб Ултондан узоқлашди.