Олабўжи романдан катта хикоя

бор. Суд, прокурор, жазоловчи... Тўғри, бу ишларнинг барини бир киши 
қилиши мумкин. Қозида! 
– Ҳа, бўларини айт! – талаб қилди Мунди. – Бу гапларни эшитдик-
ку? Э, Ултонжон учун... Марҳамат! Гапиравер, бўтам. 
– Анави балницага қандай қилиб тушади кейин? 
– Таёқ еб! – кулди Хуррам. – Таёқ ейди-да. Масалан, калласи 
ишдан чиқади. Унинг жойи қаерда? Албатта жин... 
– Эй, сен ҳам таёқ еганмисан? – сўради Мунди. 
Хуррам хўрсинди. 
– У ерда Ақл ва Куч ҳукмрон! – дея пиёладан ҳўплади. – Чунки 
ҳақиқий ақлли одамлар ҳам тушади. Ҳар хил сабаблар билан. 
– Сен энди ақлли бўлганинг учун соғ қолгансан-да? 
– Менинг ҳимоячим, – ёнидан торни олиб кўрсатди Хуррам, – шу 
бўлди. 
– Хў-ў, ўша ердаям отарчилик қилган бy! Пулни йиғиб, кейин 
қозига берган! 
Ултон ҳам роҳатланиб кулди. Сўнг: “Вой, булар яхши-ку! – деб 
ўйлади яйраб. – Нимага кам ўтиришганман? Ўзимни булардан тортиб...” 
– Масалан, мен бир олимни билардим... – Хуррам Ултонга манглай 
остидан қараб қўйди. – Адабиётшунос эди. “Ўзбек адабиёти” деган 
дарслик ҳам ёзган... Ўша одам кўзимнинг олдида ақлдан оза бошлади. 
Опкетишаётганда мен билан хайрлашди. Лекин, “Қолимга опкетишяпти 
мени. Усмон Носир Чўлпоннинг олдига”, деди. 
– Униям уриб шунақа?.. – сўради Ултон. Ва юраги ўртаниб кетди. – 

---

377 
Адабиётшунос бўлса... Фамилияси нима? Мақолалари чиққан бўлиши 
керак-ку? 
– Илгари чиққан, – бош ирғади Хуррам. – Классикадан ёзган Исм-
шарифини, – у синиқ жилмайди, – сўраганим йўқ. У ерда кишининг 
исми-шарифи – номери... 
– А, у кишини нега уришди? 
– Шуни айт! – зуғум қилди Мунди. – У ерда ақл “ҳукмрон” дейди-