Олабўжи романдан катта хикоя

Ахир, Баҳор унинг суйган жойларини кўриши, пироварди суйиши 
ҳам керак-ку? Суюб қолади. 
Демак, ҳозирданоқ тайёргарликни бошламоқ лозим: Ултоннинг бу 
борада малакаси ошиб кетган, нима ишлар қилиш кераклиги режалаб 
қўйилгандай эди. 
бирдан... ён-верига аланглаб қаранди-ю, шишани столга қўйиб, 
сапчиб турди. Сўнг қандайдир энкайиб юриб эшикка борди, қозиққа 
илиғлиқ чопон билан пўстинни кўтарди-да, қайиши ялтираб кетган 
биротар ов милтиғини олди. Ўша ердаёқ уни шарт буклаб, стволи учини 
чироққа қаратди. 
– У-ў, қадрдон... Ҳозир тозалаймиз! 
Баҳор ҳуркиб ўзини орқага тортди. 
– Ҳозир.... шартми? 
Ултон: “Албатта! Тоққа борадиган киши яроғини аввал оқшом 
шай қилиб қўйиши шарт!” демоқчи эди, Баҳорнинг сасида... 
...оғриниш сезиб: 
– Ҳм, эрталаб тозаласаям бўлади, – деди. Аммо милтиқни қозиққа 
илмай жойига қайтди. Ва ўтираётиб фаҳмлаб қолдики, Баҳорнинг 
сўзини икки қилмаётир! 
“Шуми эр-хотинлик?” деб ўйлаган кўйи, бу ҳолнинг ўзига заррача 
малол келмаётгани, аксинча... 

---

350 
...ёқаётганига амин бўлди. 
Ва ҳайрон қолди: ахир, яқиндагина Баҳор бу рўзғорга келин бўлиб 
тушганидан кейин ҳамма нарса ўзгариб кетадигандек туюлмабмиди? 
Анави иморатга ҳам кўпдан-кўп “таҳрир”лар кирадигандек, 
ариқда эса ахлат... 
Наҳот, уларгаям “кўникар?” 
Йўқ-йўқ! 
Баҳор тушунади: тоққа интилаётган киши; демак, табиийликка 
интилаётган бўлади-ку? 
80 
Ултон милтиқни ёнига тираб қўйиб, шампанни пиёлаларга қуяр 
экан, уйча дир-дир титради. Ва эшик ланг очилиб, қўлини орқасига 
қилганча Турсунтош кирди.