Олабўжи романдан катта хикоя

Хайрият, буёққа чиқмади: бир қўлини столга тираб, бирини 
узатди. 
– Микрофон! 
Собир тагликдан овоз кучайтиргични олиб борди. 
– Гапиринг, домла! Тутиб тураман. Интервью олавериб ўрганиб 
кетганман. 
Ултон фаҳмладики, микрофонни берса, домла кўп гапириб 
юборади, ёки тушириб-пушириб... 
– Яхши, – деди Зокир Ўринов. Сўнг ичкилик таъсир этмаган 
қўнғироқдек овози баралла янграй кетди: – Ўртоқлар! Оила – 
жамиятнинг ячейкасидир! Шу маънода ҳозирги вақтда оилаларнинг 
бузилаётгани авж олиб кетдики, бу ҳол жамият учун ўткир сигналдир! 
– Дуруст, – деб қўйди Дунё. 
Ултон Жан-Жак Руссонинг “Умум шартнома” асаридан Маркс 
“конспект” қилган ва кейинча унинг номига ўтиб кетган бу фикрни... 
...қонун деб билар эди: зеро, оламдаги талай улкан ёзувчилар бутун 
бошли жамиятнинг ривожини ҳам, инқирозини ҳам – ана ўша битта 
оилани тасвирлаш орқали... 
...кўрсатиб берганлар. 
– Ултонбек билан Баҳоройнинг оиласи социалистик жамиятимиз 
пойдеворидаги қулаган ғиштлардан бирининг ўрнини босади, деб ишонч 
билдираман! 
– Раҳмат, домла, – деди Собир. 
Яна бир гап: буларнинг қадами бизнинг мактаб учун қутлуғ 
келди!.. Ўйлайманки, Баҳоройнинг қадами бу хонадон учун ҳам қутлуғ 
бўлади. 
– Ултон акамнинг қадами-чи? 

---

317 
– Ултоннинг қадами ҳам, шубҳасиз, Кенжабой акаларнинг оиласи 
учун қутлуғ бўлади! 
– Саломат бўлинг. 
– Шошилма, э... Ундан қуй! Ўртоқлар, ушбу қадаҳни ана шу икки 
ёшларнинг оиласи мустаҳкам бўлиши учун олишни таклиф этаман! 
– Ура! 
...Навбат Қўлдош Мўминга тегди. 
– Бизнинг ҳамкасбимиз Баҳорой Кенжабоева билан собиқ