Олабўжи романдан катта хикоя

қаршисидаги бўш ўриндиққа чўкиб, оёқларини бу томонга оширди. – 
Милиса, ўтиринг... Мен мана бу жигарим билан икки оғиз... 
– Опа! Битта олайлик! – деб Мунди қуруқ пиёлани узатди. – Ҳа, 

---

314 
миршаб? Олайма менга... Устингдан ёзаман область газетига. Мана 
оғайниларим... 
– Ёз, ёз, – деди Эрматов котибанинг ёнига чўкаркан. – Хурсанд 
бўламан! 
– Йиғлайсан! 
– Одам хурсанд бўлганидан ҳам йиғлаши мумкин. 
– Мен сени танқид қиламан-ку! 
– Ундай бўлса, Мунди деган алкаш мухбирниям қўшиб танқид 
қиласан. 
– Ҳе-е, сенлар... 
Котиба столга мушт урди. Идишлар жиринглаб кетди. Хотин 
маъбудаси сакраб тушди. Ултон уни олиб, бағрига босди-да: 
– Хуш кепсиз, опа, – деди. 
– Кечирасан, мен... шу ердаман-ку? Нега “хуш кепсан?” дейсан? – 
Кафтини манглайига босиб, тирсагини столга тиради. – Мени 
ичиришди... –Бирдан кўзи олайиб тўрга қаради. Кейин аста Дунёга 
тикилиб қолди-да: – Узр, ўзим айбдор... – деди. Сўнг Баҳорга юзланиб 
турди-турди-да, кулиб юборди. – Ҳе, зўрсан, келин! Сенга беш кетдим! 
– Нима учун? 
– Уни ўзинг... 
– Ундай бўлса, мен ҳам сизга беш кетдим, ўртоқ секретар! –деди 
Баҳор. – Сиққанича ичиш керак! 
– Вей, менга ичиришди-ку? Ана, катта... хон, бек... Улар шундай: 
одамни жинни қилиб юборади. Кейин ўзлари кулиб туради... нақа. 
– Улар оғзингдан... 
– Баҳор! – деди Ултон. 
– Йўқ, йўқ, – деди Эгамқулова. – Баҳордан хафа бўлма... 
– Раҳмат, – деди Баҳор ва Одил миршабга зимдан қараб: 
“Опкетинг!” шорасини қилди. 
Эрматов бош ирғади-да, котибанинг тирсагидан ғижимлаб 

---

315