Олабўжи романдан катта хикоя

қўлини ўпган эди?.” – Билдим: чучмал одам экан. Ёки ўлгудек айёр... 
– Унинг яхши томонлариям кўп, – деди Баҳор. 
– Кечирасиз, сиз улар билан қандай бўлиб мунчалик... 
– ...яқинсиз? 
 
– Ҳа. 
– Кўзга яқинман-да. 
Ултон сапчиб тушгандай бўлди. 
– Кечирасиз... 
– А, нима? Нега яқин бўлмаслигим керак экан? – Ултонга тикилди 
у.— Ўзлари яқин бўлишгандан кейин? Районда педиатр врач – битта 
менман. Желтуханинг сони мингта... – У қандайдир титраб кетди. – 
Бари, бари... 

---

312 
– ...гербициддан топган. 
– Ҳа! – деди у кескин. – Бу нарсани ёйиб бўлар эканми? 
Тушунмагандай гапирасиз! 
Ултоннинг юраги гурс-гурс уриб, унга анқайиб сўради: 
– Шу тўғрида дўхтирхоналарга “секретний хат” келгани ростми? 
Баҳор чуқур-чуқур нафас олиб, жимиб қолди-да, қандайдир овози 
олиниб: 
– Рост, – деди. – Ўлиб кетсин... Бошқа диагноз қўйишга 
мажбурсан... – Кейин бошини кўтарди. – Ҳамма ерда шундай. Бутун 
республикада! – ўзини оқламоқчидек илова қилди-да, бундан баттар 
алами келиб кетдими: – Пахта теримидан кейин яна кўпаяди! – деди. – 
Уёғини сўрасангиз, Тошқўрғон... қишлоғингиз одамлариям бежиз 
кўчирилмаган! 
– Радиация... 
– Ҳаммаёқ – қалбакилик... Кечирасиз, одамни қийнайдиган 
саволларни берманг... Анавини томоша қилайлик. Ҳали замон тугайди... 
– Кейин бирдан кулумсиради. – Ақлли одамлар ҳаётга – “Бори шу”, деб 
қарашар экан. Тўғрими? 
– Ҳам “тўғри”, ҳам нотўғри. 
– Тушундим. Лекин буни ўзгартириш... халқнинг қўлидан 
келмайди! 
– Келмайди-ю... – Ултон ўртаниб кетди. – Дунёхон, – деди бўйнини