Олабўжи романдан катта хикоя

– Ким у ўзи? – сўради Ултон. 

---

292 
– Берди тентак-ку! 
Ултон кулбасида... Мунди билан Собир айтган кишини хотирлаб: 
– Эшитганман, – деди. 
– Жиннихонанинг лечиший врачи. 
– Ў-ў. 
Ултон ўша даргоҳнинг номини эшитса, юраги пўкиллаб турарди: у 
ерда соғ одамлар ҳам бор-да... Масалан, “Низомий” пединститутининг 
бир домласи “Ўзбек совет адабиёти” деган янги дарслик ёзгани учун ўша 
касалхонага тушган (редакцияда эшитганди), биров у одамни – “соғ” 
деса, биров: “Ўзидаям бор эди. Жуда нервний эди...” дер эди. 
Ўйин тугаб, Шарофат даврадан чиқди-ю, Хуррам ҳам шериклари 
билан чорпояга қайтди. Ва Собир: 
– Меҳмонлар, менинг ёнимда турган кишини танийсизларми? – 
деб бақирди. – Раҳмат... Ҳа, бу киши ҳаммамиз учун отнинг қашқасидек 
маълум ва машҳур дўхтир акамиз Бердиқул Урдиқулов бўладилар! 
Чапак. Дўхтир яна таъзим қилиб, бош кўтарди. 
– Гапирсин! Соғиндим мен... – деди Мунди. – Лекин сўз бермасанг 
ҳам, барибир гапиради! 
– Албатта, оғажон, – деди Бердиқул. 
– Ҳозир тўғри мадрасадан келяпсизми? 
– Ҳа, оғажон. Биттаси қочган экан. Шуни излаб юрибман. Мана, 
насиба қўшилиб денг... 
– Мадраса... – инжиқланди Ултон. – Қанақа Мадраса бор бу 
атрофда? 
Баҳор ҳайратланиб: 
– Вой, чўлдаги-чи? – деди. – Полигонда бор-ку, Ғозибек мадрасаси. 
Тўғри, чолдевор бўлиб қолган... 
Ултон шошиб сигаретни тутатди: ҳа-ҳа, бир эски мадрасанинг 
вайроналари бўлиши керак... 
Бироқ вилоят маркази билан Олатоғ тумани орасида ястанган чўл 

---

293 
ҳарбий полигон ҳисоблангани учун у томонга ўтиш қатъиян манъ