Олабўжи романдан катта хикоя

– Раҳмат, раҳмат, – дея бирдан Таракановга бурилиб қаради. 
Кейин яна санамга тикилди. 
Хотин Худосининг ҳайкали жуда кичкина, бурни учган, кўкраги 
ғайритабиий отилиб чиққан эди. 
Дунё ҳам бўйнини чўзиб қараркан, Хуррам: 
– Бу – Она рамзи, – деди. – Шунинг учун муҳим аъзолари 
бўрттирилиб ясалган... Ҳар бир хонадонда – уйнинг тўрида турган бу. 
Қадимда... 
Ултон ҳаяжонланиб кетган эди: ахир рўпарасида икки ярим минг 
йил бурунги обида турарди-да! 
 
Ҳа: бу – Она-Ер тимсоли! 
Ҳаётни давом эттирадиган... 
...мўътабар Зот! 

---

289 
– Ултонбек, Баҳоройнинг ҳам сиз учун шундай санам бўлиб 
қолишларига ишонаман! 
– Раҳмат, раҳмат, – деди Баҳор. 
Ултон шу сонияда бир нарсани кашф этдики, ўз ҳаётидагина буюк-
табиий ўзгариш бўлиб қолмасдан... ҳаётнинг бошқа айрим йўриқларига 
муносабати ҳам ўзгармоқда экан: ана, Қизил мозорда қандай ҳолатларга 
тушди? 
Зикриёхон домланинг айтганлари... 
Вой, Муҳаммад Алайҳиссалом умматларига шундай панд-насиҳат 
қилиб кетган экан, ахир... 
... ундан фойдаланиш керак-ку? 
Ахир, ўша ҳадислар икки жинсни бир-бирига занжирбанд қилади. 
Ва... 
... бу алоқаларга илоҳий тус ҳам берадики, шунинг учун улар 
фақат мияга эмас... 
...руҳга таъсир этади! 
Демак, Аллоҳ бандаларни тўғри йўлдан юриш, ёлғон-хиёнатдан 
ҳазар қилиш, суйишганларни садоқатли-ҳурматли бўлишга чорлайди! 
Биз эса... 
Ултоннинг бу ҳаяжони-ўйларидан ҳайрон қолмаслик керак: илло у 
биринчи бор бундай ҳолатга тушган эди. 
Унинг Аллоҳга, Ислом динию Муҳаммад пайғамбару у зотнинг