Олабўжи романдан катта хикоя

сувни юта бошлади. Ниҳоят, стакан тортилди ва этсиз қўллар эгаси 
Ҳожар опа: – Сиз Султонбойнинг ули-я? – деб сўради. 
– Худди ўша кишининг ўғлимиз, – деди Ултон. – Раҳмат сизга. 
Сувдай сероб бўлинг, опа... Муни қаранглар-а, Оқсувда яшаб, бу ерга 
келмаган эканман! 
– Энди келаверасиз, – деди дўхтир. – Кўпроқ овга чиқиб турсангиз, 
бас. Ултон инқиллаб кулди. 
– Лекин мен – овчиларнинг овчисиман. 
– Ў-ўў! Фамилиянгиз, демак, Султонов? 
– Султонов. 
– Исмингиз? 
– Ултон... Ҳўкиз терисидан бўладиган чарм. “Алпомиш”ни 
ўқиганмисиз? Ултонтоз дегани бор-ку! 
– Мен достонларга қизиқмайман... Қаерда ишлайсиз? 
– Мактабда ишлайдилар, – деди Ҳожар опа. – Эналари Қўйсиной 
дугонамиз эди. Кўп кайвони аёл эди. 
– О, раҳмат, – деди Ултон ва кўз ўнгида Оқсойнинг нари бетидаги 
Қиз мозор кўриниб кетди... 
– Опа ташқарига қаранг. От кишнади, – деди дўхтир. 
– От бекорга кишнамайди... Синглим, мен эшитмадим. Қулоққаям 
таъсир қилганми дейман? 
– Балки, – деди врач.– Ишқилиб, миянгиз омон бўлсин!.. Сиз 
мақолалар ҳам ёзиб турасиз-а? 
– Эй, билар экансиз-ку! 

---

27 
– Ўлдикми энди, бир совхозда туриб, уни-буни билмасак... Ҳей, 
чойхона қаршисидаги кулбаям сизники-а? 
Ултон қалбини туйқус тўлдирган шодумонликдан энтикиб кетди: 
унинг кошонаси-да y! 
Ёқадими сизга? 
– Да, так. 
– Майли. 
– Туғилган йилингиз? 
– Минг тўққиз юз эллик... 
– Илгари бирон-бир травма олганмисиз? 
– Илгари... Ҳе, синглим, болаликда... Йиқилиб-сурилиб катта 
бўлганмиз-да. 
– Отган кишини танийсизми?