Олабўжи романдан катта хикоя

қўмитасининг биринчи котиби икки бармоқ орасидан учинчисини 
чиқариб кўрсатди ва... 
Ултон эслади: дарвоқе, бу – шоиртабиат, бир сўз айтиб ўн 
куладиган одам баъзан ёвуз бўлиб кетарди. 
Интернатдаги ўғил болалардан биронтаси бемаҳалда қизлар 
ётоғига кирган бўлса ёки биронтаси билан сояда гаплашиб турганини 
эшитса... 

---

22 
Аммо ўзлари туннинг аллапайтларида ҳам гоҳо қизлар ётоғида 
пайдо бўлар, ҳатто “айрим”лари билан боғча томон кетаётганларини 
Ултон ҳам уч-тўрт марта кўрган эди. 
Ултон дарҳол бошини эгиб қолган, энди бутун вужудини тер 
босган, энди... бу ерда ортиқча ўтиришга тоқати қолмаган эди. 
Бироқ, назарида, саркотиб жақл устида бу “иш”ни қилганидек, 
энди пушаймондек... у кишига боқди. Тўқлибой Қўчқоров ўша 
жаҳолатда “Золотое руно”ни нари-берига сурарди. 
– Ўзинг учун ўл етим дейдилар... Тавба, менинг ҳам бу ерда босиб 
ўтирган миллион сўмим йўқ, бир чангалини олиб кетсам: “Ма, 
мактабингни ремонт қилиб ол!” деб... Ҳе, одамлар борки, янги мактаб 
қуриб олишяпти! – У столга тикилиб гапирар, тобора тезлашарди. – 
Лойиҳасини туздиради, облисполкомнинг сессиясидан ўтказади, облфин 
билан гаплашади... Буларнинг ҳаммаси учун... – Бирдан” – Уф-ф! – деб 
юборди-да, ёнидаги қизил телефон трубкасини кўтарди. Сўнг уни 
ташлаб юбориб, селектор тугмасини босди: – Шарофат! 
Селектор дўриллади: 
– Лаббай, Тўқлибой ака! 
– Менга Бўтабой Сўпини ула. 
– Хўп бўлади. 
Қўчқоров бошқа пахтагулли пиёлага чой қуйиб, бир ҳўплади. 
– Гап шу, сени чақиришдан ҳам мурод шулки, хўш, сенга 
ишонаман, – деди. – Шу мактабингни бизнинг номимиздан...