Олабўжи романдан катта хикоя

Бир зумдан кейин Ултон яланғоч билагига игна санчилганини 
сезди. Кейин илиққина намчил пахта юзини силай бошлади. Кейин 
дўхтирнинг икки бармоғи юзига ботгани, этини қисганини билди-ю, 
худдики юзида ҳуснбузар бор-у, қисганда ёрилгандай бўлди. Нимадир 
тирсиллаб отилди, ерга тушгани ҳам эшитилди. 
– Оғридими? 
– Йўқ. Раҳмат сизга... Хирург, ҳақиқий жарроҳсиз. 
– Мен педиатрман... Опа, пахта. 
– Опагаям раҳмат. 
Ниҳоят, Ултон қаттиққина катда кўзини юмиб, юзига босилган 
муздек ҳўл сочиқдан роҳатланиб ётаркан, телефон дискаси айлана 
бошлади. Сўнг врачнинг қўнғироқдек овози янгради: 
– Алло!.. Балнисами деяпман, э-э! Э, ўзларими, ўртоқ Мўминов? 
Яхши, зўр... Менга қаранг, Қўлдош ака, “Скори помош”ни жўнатинг!.. 
Э, зарил бўлмаса, сўрайманми сиздан? Қизиқсиз-а... Совхознинг 
мошиналари менинг маҳримга тушганми? Ҳа, ҳа... Ўқ еган. Сочма ўқ... 
Опташладим деяпман. Ситиб-да! Ҳа. Яқинда гениколог дипломиниям 
оламан!.. Уч-тўртта ўқ қолди. Этга чуқур ботиб кетган... 
Борганда танишасиз-а! Ўзимиздан! 
Бир муддатдан кейин дўхтир келиб, катнинг оёқ томонига ўтирди. 
– Ўртоқ ярадор! 
Ултон сочиқни юқорига сурди, оғзи очилди. 
– Эшитаман. 
– Қолганини сўтак опташлайди. 
– Нима? 
– Главврачни айтаётирман. 
– О-о. Кечирасиз, бир қултум сув ичсам. 

---

26 
– Ҳожар опа! Қаҳрамоннинг оғзига сув томизинг... – Қиз қийқириб 
кулди. – Энди танишиб оламиз, а? 
– Хўп бўлади. 
– Мана сув... Қаттиққина этсиз бармоқлар Ултоннинг гардани 
остига суқулди-ю йигит бошини кўтарди, оғзини очди ва жағлари 
қаришиб кетаётганини шунда сезди. Сўнг ҳалқумига қуйилган муздек