Олабўжи романдан катта хикоя

кўтарилиб тушгандай бўлди. Ва... ҳаётга қайтди: ҳа, бу – Баҳор. 
Ўзининг қаллиғи... Ҳозир унинг қўлидан бемалол ушлаши ҳам 
мумкин.
Айтмоқчи, у Ултонни деб бу ерга келди-да: Ултон учун кийиниб... 
Ҳозир мозорга боришади... Бу... ўзининг қайнонаси қабрини зиёрат 
қилади. 
Қабрга гул қўяди. 
... Ултон, ниҳоят, ўзига келди. 
– Сиз яхшими, Дунёхон? 
– Ўзларидан сўрасак? – деди у. 
– Шу-у. 
– Да, я не ожидала... Баҳор, қайси домлага ўқитиб-иситиб олдинг 
бу ёзувчини? 
– Гапинг қурсин, – деди Баҳор. – Балки мени иситиб олган чиқар 
бу одам! – Кейин қаққос отиб кулиб юборди. 
... У кулди – гуё гуллар очилди. 
– Бу тақдир, – деди Ултон. 
– Эшитдингизми, бойвучча хоним? 
Дунё хўрсиниб қўйди-да: 
– Кетайлик бу ердан, – деди. 
– Хўжайин, йўл бошланг! – деб яна шанғиллади Турсунтош. Ва эри 
томон ўтаркан, Ултоннинг биқинига тирсаги билан туртди, – 
Саломлашишниям унутибди! 

---

262 
– Йўқ, кечирасиз, Турсунтош... 
– Ана, шопир ака билан сўрашинг! Қаллиғингизни олиб юрипти! 
– Узр, узр. 
59 
Абдуқаюм хотинини ёнига ўтказиб: “Ултонбек, келинни ёнида 
жойингиз бор” – деб “Победа”ни ҳайдаб кетди. 
“Жигули” ҳам жилди. 
Дунё олдинги ўриндиқда Бўтабой Сўпига ўхшаб кетадиган 
гумбаздек йигитнинг ёнида ўтирар, келин-куёв – орқада: Баҳор Ултонни 
қаттиқ соғиигандек, ҳатто у чиқиб кетиши мумкиндек қучиб, пинжига 
киргудек бўлиб ўтирар, йигит... 
у ... арши аълода эди. 
– Ўртоқ Султонов, – дея Дунё бурилиб қаради. 
Бу расмий мурожаат бойвуччага ярашар эди.