Олабўжи романдан катта хикоя

четга тўплаяпти, бир-иккитаси нари-беридаги тикан, янтоқларни 
қираётир, тағин: уй биқинида янги ўчоқ кавлаётган ким, ариқчага 
кўприкча қураётган ким... хуллас, Ултон унга-бунга қарашган бўлиб, 
тезгина бу томонга қайтган эди. 
Сабаби: у ерда кўпроқ уймалашса, демак, тўйнинг тезроқ ўтишига 
ҳисса қўшаётгандек, демак, хурсанддек – демак, бу кунларни орзиқиб 
кутган каби кўринадигандек туюлди: ҳа, унинг четроқда, кўринмайроқ 
юргани маъқул. 
Ҳозир у Гижингтойни боғ этагига оптушиб, арқонлагач, тўғри 
мактабга бориши керак эди... 
– А, бу мактаб ремонтиям авжида-ку? – деди Мунди шодлик билан. 
– Ҳамма мўри малахдай ёпишган! 
– Ултон акамнинг ўзлари югурган бўлса керак, – деди Собир 
жиддийлик билан. – Йўқ, рост айтаяпман, Ултон ака! Сизни ўтган 
куниям, кечаям райком олдида кўрган экан кишилар. Шулар айтишди: 
“Бир гап бор, ёзувчининг қовоғи солиқ экан...” деб. Ким билади, ёзаман 

---

238 
деб қўрқитдингизми... 
– Ерунда, – деди Ултон. – Улар ёзишдан қўрқмайди. 
– Бўлмасам... 
– Ким билади-е! 
Мунди сигарет тутатиб, гугурт чўпни ерга урди. 
– Мен ҳам билмайман. Мана бу суратчи бўлса, “Ултон акам 
ёзувчи, у-бу”, деб юрипти. Мана сенга ёзувчи! – У бармоқларини 
ҳалигидай қилди. – Ёзувчининг кушандаси-ку булар... – Йўлга қараб 
қўйди. – Тўнғизлар, милиёнерлар... 
– Қўяверинг, – деди Ултон. – Қани, уйга кирайлиқ. Мунди, 
тортинг. 
Қўлларини лангар тутгандай қилиб шоти-зинадан кўтарилган 
Мунди эшикни очди. 
 
– Бисмиллоҳир раҳмонир раҳим! – дея бўсаға ҳатлаб кирди-ю, 
девордаги терига қараб қолди. Кейин кўнгли бузилгандек ҳиқиллаб