Олабўжи романдан катта хикоя

ланғиллаб турган тандирни томоша қилар, хаёлининг қайси бир 
жойларида шундай чўғлар-да кўриниш берар ва, наздида, бугун Чўнтоғ 
пойида қолиши керакдай эди. 
Ниҳоят, отаси берган пулни чиқариб, новвойнинг олдига қўйди. 
– Турсунтошга берсангиз. Ўлай агар, мен Баҳорга... 
Абдуқаюм гап нимадалигини дарҳол фаҳмлади. 
– Хўп бўлади. 
– Мен бориб, айтиб юборайми? – сўради Наби. – Амбулаторияга 
кетганлари аниқми? 
– Э, эрига ёлғон гапирадими? – кулди новвой. – Менимча, 
Эгамқуловаям ўша ерда бўлиши керак. 
Наби кетгач, Ултон ҳам қўзғолди: қизиқ, унинг уйга боргиси йўқ, 
тўй ҳозирлиги кўрилиб бўлгунча, йироқроқ бир жойга бориб туриши 
керакдай эди. 
У бир-бир босиб, Одил миршаб билан кеча учрашган жойидан 
ўтаркан, уни тағин кўрадигандек бир-икки қаради. Кейин дарбадар 
ўрисларни эслаб жадаллади. Иморат олдига боргач, унинг бир мунча 
пардоз ишлари борлигини хотирлаб ва у ишлар ғоят оғир вазифа каби: 
“Эҳ-ҳе-е!” деди. 
Кейин эса Баҳорнинг... шу уйда яшаши кераклиги эсига тушиб, 
негадир тасаввур этолмади: бу ерда қандай қилиб яшаркан? 
Қайси хоналарда?.. 
Уёқдаги жиҳозларни, демак, қайтариб бериши керак: Бўтабой 
Сўпига. 
Умуман, Баҳор билан гаплашиб олиши лозим... Дарвоқе, ҳозир 
қандай кайфиятда у? 
Бирданига ҳамма нарса... Ултоннинг ҳаёт тарзиям ўзгариб 

---

231 
кетадиган бўлди-я? 
Ишқилиб, эътиқодларига таъсир этмаса... 
Ахир, Ултон (ўзига хос табиий) турмуш-оила остонасида турибди! 
Остонадан ҳатлагач, ўша оламга киради: у олам ўзига хос қизиқ 
ҳамда, Баҳор туфайли жозибали, албатта... 
Аммо Ултон бу ҳолниям тасаввур эта олмади: жозибалилик –