Олабўжи романдан катта хикоя

ҳатто сирдош билган каби кулди. – Ўтган куни ўзим тўхтатиб қолган 
эдим бир мошина қовун-тарвузни. Карантин постда. Қўшни районга 
обориб, икки бараварига сотади-да. 
– Ҳа, энди, меҳнат қилган, – деди Ултон. – Деҳқон... – Сўнг зардаси 
ўйнай бошлади: – Балки тўйи бордир... – Унинг эсига Абдуқаюмнинг 
Кримдан кейин Масковда – бозорда учратгани дўппиликлар тушиб 
кетган эди. 
– Ях-ши, одамга қайишасиз, – деди Эрмаматов. – Хўш, эшитамиз 
энди? 
– Нимани? 
– 
Султон бобо қачон келадилар? 
– 
Султон бобо тахминан... уч соатдан кейин Тўқлибой 
Қўчқоровичнинг кабинетида бўлади, – деди Ултон. 
Милисанинг кўзлари каттариб кетди. 
– Ўша масаладами? 
– Ҳа. 
– Қойил. 
– Раҳмат. 
– Бўлмасам тезроқ боққа бор. Қорабой иккита алкашни ишлатиб 
ётипти. Мен юбордим. 
– Нега? 
– Ана холос. “Раҳмат” дейиш ўрнига: “Нега?” Ахир, ҳа деган – 
туяга мадад... 
Ултон гангиб жилди-ю, қадам босишлари бирдан сусайиб қолди: 
“Бундан чиқди, тўй бўлишини буям билар экан-да? Ҳақиқатан ҳам... Ҳа-

---

199 
а, бу арбобларнинг тили бир... 
Лекин ўзини билмасликка солди-я! “Қойилман!” эмиш! Ҳў-ў, 
булар – маккорларнинг пири... 
Тўқлибой акаям қизиқ одам экан-да! 
...Вей бунча ўзига ишонч билан иш тутяпти-я у? Демак, унинг 
айтгани бўлиши керак! 
Ҳа, ҳа, – ҳолсиз хўрсинди йигит. – У – хон, у – бек, у – юртнинг 
эгаси... Демак, мен... истамай қолсам-да, унинг айтганини қилишга 
мажбур эканман? 
Вей, қанақанги диктаторлик бу?” 
Шу пайт Ултон бошқа “масала”ни хотирлаб, баттар ҳайрон бўлди: