Олабўжи романдан катта хикоя

Райком секретари бош қўшгандан кейин – ҳазилми! Тағин ўзи 
совчиликка борса!.. Ҳали ҳамма ишингиз ўз-ўзидан битиб кетади! 
Ултон хижолатомуз жилмайди. 
– Мен ўнта бекорчи шотирни опкеламан... эртага! Отангиз 
буюрган ишларни ярим соатда ясаб ташлайди! – Наби Ултонга тикилди. 
– Аммо лекин сиз, домиллажон, кимларни айтасиз? Рўйхат тузиш керак. 
Эшитганмиз-да, кўпинча энг яқин кишилар айтувсиз қолади. 
– Ҳа-ҳа, – тасдиқлади Ултон ва иттифоқо шундай ҳолга тушдики: 
Кароматниям айтадигандек... 

---

194 
...Сўнгра бирдан бошини эгиб қолди: “Хиёнат, жиноят! – деди 
ичида гарчи бунақа эмаслигига амин бўлса-да. – Ахир унинг олдидан 
ўтишим керак-ку? 
Керак! 
Телефон номери бор эди-я!...” 
– Наби? 
– Лаббай, домилла? 
– Ҳим, менинг телефоним номерсиз. 
– Рости биланми? – ҳайрон бўлди Наби. 
– Ҳа, уни олишга қизиққаним ҳам йўқ. Мундилар комутатор 
орқали қўнғироқ қилишади. 
– Мен суриштираман! Хотиржам бўлинг. Жуда бепарвосиз-а... 
Қизил мозорнинг сойга қараган томонига тушмай, унинг 
кунботаридаги яйдоқ адирлар оша асфальт йўлга эниб борган “Газик” 
бир-икки жойга қовун-тарвуз уйиб қўйилган бозорча олдида секинлаб 
ўтаркан, Ултон: 
– Шошма, – деди. – Мен шу ерда тушиб қолай... Ана, 
Турсунтошларинг уйи. 
– А-а. 
– Раҳмат. 
– Бўлмаса, мен комутаторга бориб келай. Омон чўлоқ билади... 
– Майли. 
Ултон нима қилишини билмай қовун уюмлари қошидан гарангсиб 
ўтаркан, орқадан: 
– Ултон! Ўртоқ Султонов! – деган чақириқни эшитди ва: 
“Турсунтош”, деб кўнглидан кечирди. Дарқақиқат...