Олабўжи романдан катта хикоя

– Қизиқ, – деди. – А, бу кимдан чиққан гап? – Сўнг ёш боладек 
қизикиш ҳам қийналиш билан ўтирди. – Жон ака, эшитганингизни айта 
қолинг.
– Синфдошингиз билан Эгамқуловани чақирган эканлар. 
Тўқлибой Қўчқорович... 
– Хўш? 
– Бўтабой Сўпининг “Жигули”сида кетишди... Ўғли учун олган 
мошинаси бор-ку? 
– Бўлса керак. – Ултон новвойга термулди. – Бўтабой Сўпиям 
билади-да? 
– Э, албатта! Ўша киши айтди-да: Иккита рабочи юбораман, 
вечернинг жойини текислайди”, деб... 
– У ер ўзи текис, – деб юборди Ултон баттар ҳайратланиб, ҳам 
ғаши келиб. 
– Майли-да. 
Абдуцаюм дарвозахонадаги қовун-тарвузни Ултоннинг тўйига деб 
харид қилган экан. Бу ерларда, умуман, район атрофидаги тоғ-
адирларда пахта битмагани сингари қовун-тарвуз ҳам экишмайди: 
бундай полиз ширинликлари жанубдаги туманликлардан келади, шу 
боис, зарил бўлганда топилмаслиги ҳам мумкин. 
Ултон отасининг “бирон мингта нон” деганини ҳам эслатиб, 
хайрлашгач, бозорчадан ўтган жойда яна... Одил миршабни учратди. У 
узунчоң соябон-томча тагида – пештахтада қовун еб турган экан, 
қўлидаги пўчоқни ташлаб чақирди: 
– Ҳўв, муаллим! – Сўнг қўлини рўмолчасига артиб, илжайиб 
йўналди. 
“Буям билар-ов... – деб кўнглидан кечирди Ултон. – Ер остида илон 
юрса билади”. Сўнг у билан гаплашишни шу қадар истамадики! 

---

198 
– Нима-нима? – деди-ю, эслаб қолди: ахир, унинг қандайдир 
(албатта баҳор ҳақидаги) саволига жавоб бериши керак эди-ку? 
Нимайди у? 
– Салом бердик. – Милиса билагини тутди. – Қўл шира... Тоза 
ширин экан. Дори емаган-да! – Кейин Ултонни кечагидек ўзига яқин,