Олабўжи романдан катта хикоя

– Ўтинг-е буёққа! Куёв қам шундай бўладими? – деб бақирди Наби. 
– Шу туришингизда опа кўрсалар, та-амом! Ким қарайди шу одамга? 
Ултон хижолат тортиб... илжаяркан, Наби телефон дастагини 
қулоғига тутгандай қилиб, кўзини қисди. Ултоннинг миясига келган 
нарса шу бўлди: “Қўчқоровга айтиб қўйишим керак эди-ку?” 

---

206 
Ҳа, отаси тайинлаган эди. 
У соатига қаради-да: 
– Ҳу, Ўзоқ ака! Бизга бир соат жавоб! – деди. – Зиёд, сен айтиб қўй 
у одамга! 
Бўтабой сўпининг ўғли Зиёдулла ҳам шу ерда, бўйнининг томири 
чиқиб замбилда тупроқ ташишар ва сал бўшаса, Ултоннинг атрофида 
уймалашар эди. 
– Хўп, муаллим, – дея Зиёдулла иситгич батареялари 
туширилаётган мошина томон чопиб кетди. 
Ултон уст-бошини қоқиб, кабинага кирди. Наби опкелган 
шотирларига: 
– Менинг дакангларим! Ишлаш қандай бўлишини буларга бир 
кўрсатиб қуйинглар! – деб бақирди-да, мошинани турган еридан буриб 
ҳайдаб кетди. – Домилла, бир гапни айтаман, кўнглингизга олмайсиз. 
Эн-насини... 
– Қулоғим сенда. 
– Сизга КГБ қизиқиб юрар экан. – Наби Ултонга кўз тикди. Ултон 
карахт тортиб қолди. 
– Ни-ма учун? – сўради дона-дона қилиб. Хаёлида эса, ўзи номер 
териб телефонда гаплашмагани... 
– Унисини билмадим, домилла, – деди Наби. – Бу давлатни... 
– Сўкма. 
– Дарров қўрқиб қолдингизми? 
– Мен фақат худодан қўрқсам керак, – деди Ултон. – Хўш, буни 
қаёқдан билдинг? 
– Омон чўлоқ айтди. Сапхўзни камутатори... Гоҳо суриштирар 
экан район кэгебэсидан: ким билан гаплашди? Нима тўғрисида 
гаплашди? 
– Аблаҳлар... – ғулдиради Ултон. – Хўш, шунинг учун номер