Oila, mahalla, maktab kontseptsiyasi, uning yosh avlod ma’naviyatini yuksaltirishdagi imkoniyatlari” mavzusidagi bitiruv malakaviy ishi

2.2. Ma’nan yuksak avlod tarbiyasida oila, mahallava maktab konseptsiyasidan foydalanish:imkoniyat,
muammo va yechimlar
Axloqan yetuk, ma’nan yuksak avlod tarbiyasida dastlabki faoliyatni oiladan va mahalladan boshlab, so‘ngra uni ta’lim muassasalarida davom ettirish maqsadga muvofiqdir. Bunda esa “Oila, mahalla va ta’lim muassasalari” hamkorlik tizimi maydonga keladi. Ularning har uchchalasi ham bir-birini taqozo etadi va to‘ldiradi.
Bu kabi ishlarni hal etishda esa biz quyidagi vazifalarni amalga oshirishimiz maqsadga muvofiq bo‘ladi:
Birinchi vazifa- o‘quvchi va talaba-yoshlarning sog‘lig‘ini mustahkamlash. Buning uchun esa mahallalarda hamda ta’lim muassasalarida tegishli sport zallari, maxsus sog‘lomlashtirish maskanlari faoliyatini jonlantirishimiz va bu yerga o‘quvchi va talaba-yoshlarning turli to‘garaklarda jalb etilishini muttasil kuzatishimiz, kerak bo‘lsa mahallada yashayotgan har bir o‘quvchi va talaba-yoshlarning qanday sport to‘garaklarida ishtirok etayotganligini uzluksiz nazorat qilishimiz lozim.
Ikkinchi vazifa- o‘quvchi va talaba-yoshlarni dunyoda bo‘layotgan o‘zgarishlardan vooqif etib turuvchi ommaviy axborot vositalari (OAV), turli kulublar, internat aloqa vositalarining ishini jadallashtirishimiz; ularda asosan sog‘lom turmush tarzini shakllantirish masalalariga oid maqola, ocherk, radio va teleeshittirishlar , kinodasturlar, multimediya o‘yinlarini iloji boricha ko‘proq yuzaga chifarishimiz; ayniqsa, keyingi yillarda o‘quvchi va talaba-yoshlar o‘rtasida keng yoyilgan turli xil uyali aloqa vositalariga qiziqish kun sayin ortib bormoqda. Biz esa aynan ana shulardan vosita sifatida foydalansak bo‘ladi. Buning uchun respublikamiz telefon kompaniyalari tomonidan sog‘lom turmush tarzini shakllantirishga undovchi qisqa-qisqa, lekin ta’siri kuchli bo‘lgan, milliy g‘oyaviy tushunchalar yo‘g‘rilgan ma’lumotlarni, so‘zlarni SMS tarzida uyali aloqa vositalariga yuborishimiz, bu vazifani amalga oshirishimizda esa tegishli mutasaddi tashkilotlar faoliyatini rivojlantirish va ular bilan hamkorlikni yo‘lga qo‘yishimiz kerak. Misol tariqasida SMS lar “Siz Vatan uchun nima qildingiz?!”, “Vatan ravnaqi sizning qo‘lingizda!”, “Siz fidokor insonsiz!” kabi so‘zlardan foydalanish maqsadga muvofiq bo‘ladi.