Нужно ли столько терминов и определений, которые не присутствуют в тексте Руководства

§5. АЙДК субъектларини кадастр ҳисобига олишни юритиш тартиби
45. АЙДКнинг кадастр ҳисобига қўйилган вақтда белгиланган тартибда юридик шахс сифатида рўйхатга олинган ва амал қилаётган ҳар бир субъекти бўйича қуйидаги маълумотлар қайд этилади:
юридик шахснинг – АЙДК субъектининг тўлиқ номи;
АЙДК субъекти унинг тасарруфида бўлган давлат (хўжалик) бошқаруви органининг тўлиқ номи;
АЙДК субъектининг коди (Классификатор бўйича);
юридик шахснинг – АЙДК субъектининг ташкилий-ҳуқуқий шакли (Хўжалик юритувчи субъектларнинг ташкилий-ҳуқуқий шакллари классификатори бўйича);
мулк шакли (Мулк шакллари классификатори бўйича);
субъектнинг ўрнашган жойи (почта ва юридик манзиллари);
мақсад вазифаси (АЙДК субъекти қандай мақсадда ташкил этилгани), маҳсулотининг тури (Классификатор бўйича);
АЙДК субъекти унинг асосида ташкил этилга ҳужжатнинг номи (Ҳукумат қарори, юқори ташкилотнинг буйруғи ва ҳ.к., ҳужжатнинг қисқача мазмуни, рақами ва санаси);
АЙДК субъекти таркибига кирувчи бўлинмаларнинг сони (шўъба корхоналар, марказлар, филиаллар ва ҳ.к.);
лицензиясининг рақами, берилган санаси (қайта расмийлаштирилганлиги, янгиланганлиги), лицензиянинг тури (типовой, индивидуал), лицензиянинг амал қилиш муддати, фаолият тури (лицензия бор бўлган тақдирда тўлдирилади);
Юридик шахслар реестрида давлат рўйхатига олинган сана;
солиқ тўловчининг идентификацион рақами.
46. АЙДК субъектларини кадастр ҳисобига олиш асосий (бирламчи) ва жорий ҳисобига олишларга бўлинади.
Асосий (бирламчи) ҳисобига олиш маълумотлари Автомобиль йўллари объектлари кадастр дафтарининг махсус бўлимида кейинчалик жорий кадастр ҳисобига олишни юритиш учун зарур бўлган ҳажмларда қайд этилади. Кадастр ҳужжатлари таркибидаги АЙДК субъектлари тўғрисидаги қолган маълумотлар техник ҳужжатлар қаторида, кадастр дафтарларига иловалар шаклида сақланади.
Жорий ҳисобга олишда кадастр дафтарларига ва бошқа кадастр ҳужжатларига субъектларнинг таркибида, ҳуқуқий ва хўжалик мақомида, ўрнашган жойида ва бошқа тавсифларида асосий ҳисобга олиш маълумотлари қайд этилган вақтдан эътиборан юз берган ўзгаришлар тегишли ҳужжатлар асосида киритилади, шунингдек АЙДКнинг тугатилган (тизимдан чиқарилган, қайта тузилган) субъектлари кадастр ҳисобидан чиқарилади.