Нужно ли столько терминов и определений, которые не присутствуют в тексте Руководства

автомобиль йўлларини чизиқли таъминлаш – автойўллар элементларини ва йўл иншоотларини, шунингдек унинг техник мосламаларининг бутун йил мобайнида автойўлнинг бутун кўламида бажариладиган ишлаш режимларини соз ҳолда тутиш ишлари комплекси, йўлларга, йўл иншоотларига ва ажратилган ерлар минтақасига қараб туриш, доимий юзага келиб турадиган майда шикастларни профилактика ва бартараф қилиш, ҳаракат хавфсизлигини ташкил қилиш ва таъминлаш, шунингдек автойўлни қишки таъминлаш ҳамда кўкаламзорлаштириш ишлари комплекси;
ажратилган ерлар минтақаси – автомобиль йўлини, автомобиль йўлининг тегишли конструктив элементларини ва инженерлик иншоотларини, шунингдек ундан фойдаланиш учун зарур бўлган бинолар, иншоотлар, ихота ва декоратив дарахтларни жойлаштириш учун қонун ҳужжатлари билан белгиланган тартибда доимий фойдаланишга бериладиган ер участкаси;
автомобиль йўлларидан фойдаланувчилар – йўл ҳаракати иштирокчилари бўлмиш ёки ажратилган ерлар минтақаси ва йўл олди минтақаси чегарасида белгиланган тартибда рухсат берилган фаолиятни амалга оширувчи юридик ҳамда жисмоний шахслар;
автомобиль йўлининг истеъмол хусусиятлари – автойўлнинг фойдаланувчилар манфаатларига бевосита жавоб берувчи транспорт-эксплуатация кўрсаткичлари мажмуи. Истеъмол хусусиятларига қуйидагилар киради: ҳаракатнинг тезлиги, тўхтовсизлиги, хавфсизлиги ва қулайлиги, ўтказиш имконияти ҳамда ҳаракат билан юкланганлик даражаси, автомобиль ва автопоездларни автойўллар бўйича ҳаракатланиш учун рухсат этилган ўқ нагрузкалари, умумий масса ҳамда габаритлар билан ўтказиш имконияти, экологик хавфсизлиги, эстетик ва бошқа хусусиятлари;
йўл олди минтақаси – ажратилган ерлар минтақасига туташган ер участкаси, унинг чегараларида ерлардан фойдаланишнинг аҳоли ва транспорт хавфсизлигини таъминлаш учун алоҳида шартлари ўрнатилади;
автомобиль йўлини техник текшириш – автойўл элементлари ва йўл иншоотларини эксплуатацион сифатларни, автойўлни таъмирлаш мақсадга мувофиқлигини аниқлаш мақсадларида назорат қилиш, синовдан ўтказиш, таҳлил қилиш ва баҳолаш ишларини ўз ичига олувчи жараён;