Навоий давлат кончилик институти корхона жиҳозлари

Ута нафис майдалаш учун тегирмонлаР.

Юқори даражада нафис майдалаш вибрацион, тезкор оқимли ва коллоид тегирмонларда амалга оширилади ва бунда материал 10-0,1ммдан 75.10 (-5) -1.10(-4)ммгача майдаланади.

1. 
   Вибрацион тегирмон. Бу машиналар 70-80% ҳажмда шарлар билан тўлдирилган ва пружиналар устида жойлаштирилган цидиндр корпусдан ташкил топган. (1.10-расм). Тегирмон корпуси бир дақиқада 1000-3000 марта айланадиган дисбалансли вал ёрдамида тебранма қаракатга келтирилади. Вал айланганда материал ва шарлар эллипс траектоия бўйича ҳаракат қилади. Бунда майдаловчи жисмлар ўз ўқи атрофида ва шу билан бирга корпус ичидаги материал ва шарлар валнинг айланишига тескари томонга айланади. Майдаловчи жисмларнинг бир-бирига урилиши, сирпаниши ва материални жадал ишқаланиши ҳисобига майдалаш юз беради.
   

1.10-расм.Вибрацион тегирмоннинг схемаси:
1-корпус;2-майдаловчи жисмлар; 3-дебалансли вал;4-пружинали таянч.

Вибрацион тегирмонларда майдалаш нам ёки қуруқ усуллар билан амалга оширилиши мумкин. Бу машиналарнинг унумдорлиги кичик, унинг корпус ива подшипниклари тез ейилади.

8.6.2. Тезкор оқимли тегирмонлар. Бу тегирмонларда материални майдалаш учун керакли энергия ҳаво, ўта қизиган Буғ, инерт газ каби энергия ташувчиларнинг шиддатли юпқа оқими билан берилади. Юқори даражада нафис майдалаш учун текис ват рубали майдалаш камералари бўлган тегирмонлар ишлатилади. Трубали майдалаш камераси бўлган тегирмон остки қисмида соплолари бўлган ёпиқ труба контуридан иборат. (1.11-расм). Товуш тезлигида ва ундан ҳам катта тезликда энергия ташувчи бериладиган соплолар шундай жойлаштирилганки, иккита ёнма-ён соплоларнинг ўқлари трубанинг ички деворидан маълум бир масофада кесишади. Майдаланадиган материал инжектор билан берилади. Уюрмали оқимдаги заррачаларнинг кўп карра бир-бири билан уришиши ҳисобига майдалаш амалга оширилади. Трубанинг қайтган жойларида марказдан қочма кучлар ҳосил бўлади ва бу майдаланган материалнинг навларга ажралишини таъминлайди. Кинетик энергияси катта бўлган йирик заррачалар труба деворига отилади ва майдалаш зонасига қайтиб тушади. Майда заррачалар эса газ оқими билан бирга ҳаракат қилиб бориб тарновли панжара орқали тегирмондан чиқиб кетади ва кейин циклон ва енгли фильтрларга жунатилади.
Тезкор оқимли тегирмонларда бир хил катталикдаги маҳсулот олинади. Лекин уларда энергия сарфи катта. Шунинг учун улар фақат қимматбаҳо материалларни майдалашда қўлланилади.

1.11-расм.Труба камерали
тезкор оқимли тегирмон схемаси:
1-трубали контур;2-юқоридаги
қайтиш;3-тарновли панжара;
4-майдаланган материал чиқариб
олинадиган труба;5-материал
киритиладиган инжектор:
6- энергия иашувчи киридиган соплолар.


8.6.3. Коллоид тегирмонлар. Бу машина корпус ва унинг ичида жойлашган 100м/с гача айланма тезлик билан айланувчи роторлардан иборат. Ротор билан корпус орасидаги масофа 0,05ммдан ошмайди. Бу оралиққа тушган материал заррачалари ҳам марказдан қочма кучлар таъсирида шундай тезлик билан ўз ўқи атрофида айланади ва майдаланади. Коллоид тегирмонларда материалларни майдалаш асосан нам усул билан (материал суюқлик ичида бўлади амалга оширилади. Ишчи органларининг тез ейилиши бу машиналарнинг камчилиги ҳисобланади.


Таянч иборалар:
Қайта майдалаш, валка, болға, айланувчи волка, подшипник, сирт, болғалар, бармоқлар, плита, ротор, дезинтегратор, роторлар, бармоқли диск, нафис майдалаш, барабан, шар, марказдан қочма куч, цапфа, намли усул, халқа, роликли-маятникли, ҳаво оқими, шарли – халқали, тегирмон, вибрацион, дисбаланс, тезкор оқимли, ҳаво, буғ, труба, сопло, циклон, коллоид тегирмон, роторлар.