Навоий давлат кончилик институти корхона жиҳозлари

1.13-расм. Элакларнинг схемаси:
а-барабанли; б- тебранма.

Гидравлик таснифлаш асосан спираль классификаторларда амалга оширилади. Бу машина 15˚ кияликда ўрнатилган ярим цилиндр куринишдаги кесимга эга идиш ичига ўрнатилган айланувчи спирал парракдан ташкил топган. Суспензия идишнинг ўрта қисмига берилади, йирик заррачалдар унинг тагига чукади ва уларни парраклар идишнинг юқори учи томонга олиб кетади. Майда заррачалар чукишга улгурмайди ва улар суюқлик билан бирга идишнинг паст қисмидан чиқиб кетади. Йирик зарралар идишнинг баланд қисмининг тагидан чиқариб олинади. Идишнинг қиялик бурчагини ва спираль парракларнинг айланиш сонини ўзгартириш билан машинанинг пастки ва баландги қисмларидан олинган заррачаларнинг катталикларини созлаш мумкин.

Гидравлик таснифлаш гидроциклонларда ҳам амалга оширилиши мумкин. Бунда заррачалар марказдан қочма кучлар таъсирида ўлчамлари бўйича навларга ажратилади. Циклоннинг конструкцияси ва ишлаш принципи ҳакида олдинги бобларда тўхталганмиз. Бу ускуна сочилувчан материалларни навларга ажратишда қўлланилганда унинг остки қисмидан йирик доналар чиқариб олинади. Майда заррачалар гидроциклонннинг маркизий трубаси орқали юқори қисмидан суюқлик билан бирга чиқиб кетади. Гидроциклонларнинг унумдорлиги юқори ва ҳаракатланувчи қисмлари бўлмагани учун уларни ишлатиш ва таъмирлаш осон.

7. 
   Дозаторлар ва киритгичлар
   

Кимё саноатида бир қатор ҳолларда жиҳозларга берилаётган ёки улардан чиқариб олинаётган сочилувчан материалларнинг сарфини назорат қилиб туриш керак бўлади. Назорат материалларининг ҳажми ёки оғирлиги бўйича амалга оширилиши мумкин. Материалнинг намлиги, йириклиги ва бошқа характеристикалари ўзгариши сабабли оғирлик бўйича назорат ҳажмий назоратга қараганда анча аниқ натижа беради.
Материалларни бир хил ҳажмли порциялар кўринишида дозалаш-дозаторлар, уларни узлуксиз узатиш-киритгичлар (питатель) ёрдамида амаплга оширилади. Бу ускуналарнинг тузилиши жуда оддий ва уларни ишлатиш осон (1.14-расм).