Nashrga ruxsat etaman”

Stansiya yo‘llariga stansiya chegarasi ichida joylashgan - bosh, qabul qilish - jo‘natish, saralash, tortish, ortish-tushirish, depo (lokomotiv va vagon xo‘jaliklari), bog’lovchi va boshqa yo‘llar kiradi. Maxsus vazifali yo‘llarga ehtiyot va tutib qoluvchi berk yo‘llar hamda korxonalarga olib boruvchi shoxobcha yo‘llar kiradi.

Ehtiyot berk yo‘llar harakatlanuvchi tarkiblarning tasodif va ehtiyotsiz harakat sababli poezdlarning yurish yo‘llariga chiqib ketishdan saqlaydi. Tutib qoluvchi berk yo‘llar esa stansiyaga tutashgan surunkali qiyalikdan boshqaruvini yo‘qotib kelayotgan poyezd yoki alohida vagonlarni stansiyaga kiritmay tutib qolish uchun peregon tomonidan qo‘yilib me’yoriy talablarga binoan birinchi strelka shu berk yo‘lga tayyorlab qo‘yiladi.

Stansiyalarda bir xil ishlarni bajarish uchun mo‘ljallangan yo‘llar park deb ataluvchi alohida yo‘l guruhlariga birlashtiriladi. O‘z vazifasiga qarab qabul qilish, jo‘natish, saralash va boshqa parklar farqlanadi.

Stansiya yollarini va parklarini o‘zaro birlashtiruvchi strelkali o‘tkazgichlar joylashgan hududlar strelkali bo‘g‘iz (12.1-rasm) deyiladi. Bo‘g‘izning konstruksiyasi talab etiladigan o’tkazish qobiliyati va harakat xavfsizligini ta’minlashi kerak. Bo‘g‘izlarni loyihalashda poyezdlar va manyovr harakatlarini parallel bajarish imkoniyatlari ta’minlanishi kerak.

Stansiya yo‘llari to‘liq va foydali uzunligi bilan farqlanadi. Ochiq yo‘lning to‘liq uzunligi uning ikki tomonidagi strelkali o‘tkazgichlarning boshlanishidan, berk yo‘l uchun esa yo‘l boshidagi strelkali o‘tkazgich boshidan yo‘l oxiridagi (to‘siq) tirgakkacha hisoblanadi.

12.1-rasm. Stansiya strelkali bo’g’zining chizmasi:

Қ-Ж – qabul qilish-jo’natish parki; C – saralash parki.