Nashrga ruxsat etaman”

O‘zib o‘tish punktlari ikki yo‘lli va ko‘p yo‘lli uchastkalarda qurilib, bosh yo‘llardan tashqari odatda har bir yo‘nalish uchun bittadan qabul qilish-jo‘natish yo‘liga ega bo‘ladi. O‘zib o‘tish punktlarining asosiy vazifasi bir yo‘nalishda harakatlanayotgan poyezdlarni o‘zaro o‘zib o‘tishi uchun, ya’ni ayrim poyezdlarni orqadan kelayotgan yo‘lovchi va tezlashtirilgan yuk poyezdlari tomonidan o‘zib o‘tishini tashkil qilishdan iborat. O‘zib o‘tish punktlarida zarur hollarda (peregonda biror bosh yo‘lning ta’mirlanishi va sh.k.) poyezd harakati bir bosh yo‘ldan ikkinchisiga bo‘g‘izlarda qo‘yiladigan dispetcherlik syezdlari yordamida o‘tkaziladi. Bulardan tashqari, o‘zib o‘tish punktlarida kam miqdorda yo‘lovchilarni chiqarish-tushirish va yuk ortish-tushirish ishlari bajarilishi mumkin (8-rasm).

O‘zib o‘tish punktining asosiy chizmalari ikki bosh yo‘l, ularga parallel joylashgan ikki qabul qilish-jo‘natish yo‘llari va ikki tomondagi strelkali bo‘g‘izlardan tarkib topadi. Yo‘lovchi binosi punktning bir tomonida joylashib, yo‘lovchilar uchun muomaladagi poezd uzunligiga mos asosiy platforma va odatda bosh yo‘llar orasida oraliq platformalar quriladi. Agar o‘zib o‘tish punkti serharakat va mahalliy yo‘lovchilar oqimi katta bo‘lgan liniyalarda qurilsa, u holda yo‘lovchi platformalari stansiyaning ikki tomonidan qurilib, o’zaro yo’l ustidan ko’prik yoki yer osti yo’llari (tonnelar) orqali bog’lanishi mumkin.

8-rasm. O‘zib o‘tish punkti.

9-rasm. Qabul qilish-jo‘natish yo‘llari bo‘ylama, yarim bo‘ylama va ko‘ndalang joylashgan o‘zib o‘tish punkti sxemasi.