N. Mahmudov va boshqalar. Ona tili

Topshiriq. Berilgan parchadagi jamgʻarmoq soʻzini izohlang.
Ramazon aytuvchilar koʻpayib ketgan edi… Mabodo ulardan oldinroq biror eshikka borib qolsak, jamgʻargan narsalarimizni zoʻravonlik bilan tortib olishardi. (S.Ravshanov)
Yechim: Yuqoridagi jumlada jamg‘armoq so‘zi yig‘moq, to‘plamoq ma’nolarida qo‘llangan.


91-mashq. Koʻchimlarning turini aniqlang.
Har yili bir keladigan bahor sevinchi yana koʻngillarni qitiqlay boshladi. Yana tabiatning dildiragan tanalariga iliq qon yugurdi…
Tollarning koʻm-koʻk sochpopuklari qizlarning mayda oʻrilgan kokillariday selkillab tushmoqqa boshladi. Muz tagida loyqalanib oqqan suvlarning gʻamli yuzlari kuldi, oʻzlari horgʻin-horgʻin oqsalar-da, boʻshalgan qul singari erkinlik nash’asini kemira-kemira ilgari bosadilar. Simyogʻochlarning uchlarida yakka-yakka qushlar koʻrina boshladi. Birinchi koʻringan koʻklam qushi birinchi yorilgan bodroq nash’asini beradi. Bultur ekilib, koʻp qoshlarni qoraytirgan oʻsma ildizidan yana bosh koʻtarib chiqdi… Muloyim qoʻllarda ivib, suvga aylangandan keyin goʻzal koʻzlarning supasida yonboshlashni muncha yaxshi koʻrar ekan bu koʻkat!
Yechim:
Matnda qo‘llangan metaforalar:

• 
  bahor sevinchi;
  
• 
  koʻngillarni qitiqlay boshladi;
  
• 
  tabiatning dildiragan tanalari;
  
• 
  iliq qon yugurdi;
  
• 
  Tollarning koʻm-koʻk sochpopuklari selkillab tushmoqqa boshladi;
  
• 
  suvlarning gʻamli yuzlari kuldi;
  
• 
  suvlar … horgʻin-horgʻin oqsalar-da;
  
• 
  suvlar … erkinlik nash’asini kemira-kemira ilgari bosadilar;
  
• 
  bodroq nash’asi;
  
• 
  oʻsma ildizidan yana bosh koʻtarib chiqdi;
  
• 
  goʻzal koʻzlarning supasida yonboshlashni muncha yaxshi koʻrar ekan bu koʻkat
  

Matnda qo‘llangan o‘xshatishlar:

• 
  Tollarning koʻm-koʻk sochpopuklari qizlarning mayda oʻrilgan kokillariday;
  
• 
  loyqalanib oqqan suvlar boʻshalgan qul singari