N. B. Dilmurodov

Bukuvchi muskullar – flexor.
Barmoqlarni bukuvchi yuza muskul – m.extensor digitalis sublimis
elka 
suyagining o‘rta bo‘rtigidan boshlanib, III, IV barmoq suyaklarining II falangida 
tugaydi. Bilaguzuk bo‘g‘imida orqa tomondan payli qinga o‘ralgan bo‘ladi. Bu 
muskulning yuza va chuqur bo‘limlari bo‘ladi.
Hayvonlardagi farq qiluvchi xususiyatlari. 
Otda – muskul payi elka 
suyagining o‘rta do‘mbog‘idan boshlanib, tuyoqsimon suyakda tugaydi. 
Cho‘chqada – yuza bo‘limining payi 2 ta tarmoq hosil qilib, IV barmoqda, chuqur 
payli qismi esa III barmoqda tugaydi. 
Barmoqlarni bukuvchi chuqur muskul – m.extensor digitalis profundus
3 
ta boshcha hosil qilib, elka boshi – elka suyagining o‘rta do‘mbog‘idan; bilak 
boshi – bilak suyagidan; tirsak boshi – tirsak suyagidan boshlanadi. Har uchala 
boshchalarining payi bitta umumiy bo‘ladi; bilaguzuk bo‘g‘imining orqa tomonida 
sinovial qinga o‘ralgan bo‘ladi; I barmoq bo‘g‘imining ustida pay ikkiga bo‘lingan 
bo‘lib, ular III va IV barmoqning tuyoqsimon suyagida tugaydi. Bu erda ularning 
sinovial qini hamda shilliq xaltasi bo‘ladi. Vazifasi: barmoq bo‘g‘imlarini bukadi. 
Hayvonlardagi farq qiluvchi xususiyatlari. 
Otda – muskulning 3 ta boshi 
bo‘lib, elka boshi – elka suyagining o‘rta dumbog‘idan boshlanadi va 3 ta 
qorinchasi bo‘ladi; tirsak boshi – tirsak o‘simtasidan boshlanadi; bilak boshi – 

---

bilak suyagining o‘rta qismidan boshlanadi. Hamma boshlarining payi tuyoq 
suyagining o‘rta yuzasigacha keladi. Payning ostida shilliq xalta yotadi. 
Cho‘chqada – elka boshining 2 ta qorinchasi bo‘lib, bilak – tirsak suyagining 
pastki qismida bittaga aylanadi; tirsak boshi – kuchli rivojlangan; bilak boshi – 
yupqa bo‘ladi. Ikkala boshining payi bilaguzuk bo‘g‘imida bitta umumiy payga 
aylanib, uning 4 ta tarmog‘i: 2 ta yon tarmog‘i – muallaq turuvchi barmoqqa 
boradi; 2 ta o‘rta tarmog‘i esa ko‘tariluvchi barmog‘iga boradi.