N. B. Dilmurodov

Bilaguzuk bo‘g‘imini bukuvchi tirsak muskuli – m.flexsor carpi ulnaris
elka suyagi to‘pig‘idan hamda tirsak o‘simtasidan boshlanib, bilaguzukning 
qo‘shimcha suyagida tugaydi. Vazifasi: bilaguzuk bo‘g‘imini bukadi. Hamma 
qishloq xo‘jalik hayvonlarida bir xilda joylashgan bo‘ladi. 
Barmoq bo‘g‘imi muskullari 
Yozuvchi muskullar – extensor. 
Barmoqlarni yozuvchi umumiy muskul – m.extensor digitalis communis
2 
ta tarmoq holida elka suyagining to‘pig‘idan boshlanib, tuyoqsimon suyakda 

---

tugaydi. Bilaguzuk bo‘g‘imida sinovial qinga o‘ralgan bo‘ladi; I barmoq 
bo‘g‘imida esa shilliq xaltasi bo‘ladi. Vazifasi: barmoqlarni yozadi. 
Hayvonlardagi farq qiluvchi xususiyatlari. 
Otda – muskulning oxiri payga 
aylanadi va III falangning yozuvchi o‘simtasida tugaydi. Cho‘chqada – bu muskul
3 ta qorinchadan iborat: o‘rta qorinchasi payga aylanadi va III falang suyagiga 
birlashadi; yon qorinchasi ham nozik payga aylanib, yon osilib turuvchi barmoqda 
tugaydi, o‘rta qorinchasi II barmoqqa boradi. Itda – 4 ta qorinchasi bo‘ladi va II, 
III, IV va V barmoqlarda tugaydi. 
Barmoqlarni yon tomondan yozuvchi muskul – m.extensor digitalis 
lateralis
tirsak bo‘g‘imining yon payidan boshlanib, barmoq suyaklarining IV – V 
larida tugaydi.Itlarda – bu muskul ikkita: o‘rta va yon qorinchalardan tuzilgan. 
II barmoqni yozuvchi maxsus muskul – m.extensor digiti secundi proprius
qoramollarda bo‘lmaydi. Ot va cho‘chqalarda – tirsak suyagidan to barmoqlarni 
yozuvchi umumiy muskulgacha boradi. Itda – 2 ta tarmoq hosil qilib, birinchisi – I 
barmoq suyagiga, ikkinchisi – II barmoq suyagiga boradi. 
Uchinchi barmoqni yozuvchi maxsus muskul – m.extensor digiti tetrii 
proprius 
elka suyagining yon to‘piqsimon bo‘rtigidan boshlanib, III barmoqning 
bo‘g‘im suyaklarida tugaydi. Vazifasi: III barmoq bo‘g‘imini yozadi. Ot va 
cho‘chqalarda bu muskul barmoqlarni yozuvchi umumiy muskul bilan, itlarda esa 
barmoqlarni yozuvchi yon muskul bilan qo‘shilib ketgan.