N. B. Dilmurodov

Bukuvchi muskullar – flexor. 

---

Katta boldir suyagining oldingi muskuli –
m.tibialis anterior
katta boldir 
suyagining yuqorigi uchidan boshlanib, tovon (oyoq-kaft) suyagining yuqorigi 
uchigacha boradi. Vazifasi: tovon bo‘g‘imini bukadi. 
Hayvonlardagi farq qiluvchi xususiyatlari. 
Otda – muskul qorinchasi tovon 
bo‘g‘imi ustida payga aylanadi, shu erdan u kichik boldir suyagining III muskuli 
payi orqali o‘tib, yon va o‘rta tarmoqlarga bo‘linadi; yon tarmog‘i – III tovon 
(oyoq–kaft) suyagida, o‘rta tarmog‘i esa I+II tovon usti suyagi hamda II tovon 
(oyoq-kaft) suyagiga birlashadi. Cho‘chqada – katta boldir suyagining tarog‘idan 
to II tovon (oyoq-kaft) suyagigacha boradi. Itda – katta boldir suyagining to‘pig‘i 
va tarog‘idan boshlanadi; uning qorinchasi boshqa qo‘shni muskullarga nisbatan 
kuchli rivojlangan; boldirning pastki uchidan u payga aylanadi va I, II tovon 
(oyoq-kaft) suyagida tugaydi.
Kichik boldir suyagining III muskuli – m. peronaeus tertius.
Son 
suyagining o‘rta chuqurchasidan boshlanib, tovon (oyoq-kaft) suyagining yuqorigi 
uchida tugaydi. Vazifasi: tovon bo‘g‘imini bukadi. 
Hayvonlardagi farq qiluvchi xususiyatlari. 
Cho‘chqa va qoramollarda – bir 
xilda joylashgan. Otda – bu muskul qattiq payga aylangan bo‘ladi. Itda – 
bo‘lmaydi. 
Katta boldir suyagining orqa muskuli – m. tibialis posterior
bu muskul 
qoramol, ot va cho‘chqalarda barmoqlarni bukuvchi chuqur muskul bilan qo‘shilib 
ketadi. Vazifasi: tovon bo‘g‘imini bukadi. 
Kichik boldir suyagining uzun muskuli –
m.peronaeus longus
katta boldir 
suyagining yon to‘pig‘idan boshlanadi va I tovon usti suyagida tugaydi. Vazifasi: 
tovon bo‘g‘imini bukadi. Bu muskul qoramol va cho‘chqalarda bir xilda 
joylashadi. Otlarda bo‘lmaydi.