Amaliy №4 Mavzu: Qo`lning erkin muskullarini tuzilishi, birikishi va funksiyasi

Amaliy № 4
Mavzu: Qo`lning erkin muskullarini tuzilishi, birikishi va funksiyasi.
Nazariy tushuncha. Erkin qo`l muskullari yelka, bilak va panja muskullariga bo`linadi. Yelka muskullari muskullarning oldingi guruhi va muskullarning orqa guruhiga bo`linadi. Oldingi guruhga 3 ta muskul kiradi. Yelkaning ikki boshli muskuli ikkita boshcha bilan: uzuni-kurak bo`g`in chuqurchasining ustki chetidan va kaltasi kurakning tumshuqsimon o`simtasidan boshlanib, yelka suyagining dumbog`iga umumiy pay bilan birikadi. Bu muskul yelka va bilakni tirsak bo`q`imida bukadi, bilakni tashqariga buraydi, supinatsiya qiladi. Tumshuqsimon yelka muskuli - yelkani bukadi va tanaga yaqinlashtiradi. Yelka muskuli - yelkaning ikki boshli muskuli tagida joylashgan yelka suyagidan boshlanadi, tirsak suyagining dumbog`iga birikadi. Tirsak bo`g`imida bilakni bukadi. Yelkaning uch boshli muskuli uchta boshcha bilan boshlanadi. Umumiy payga tirsak o`simtasiga birikadi. Bilakni yozadi.
Tirsak muskuli-kichik, uchburchak shaklda bo`lib, yelka suyagini tashqi o`simtasidan boshlanadi va tirsak suyagiga birikadi. Bilakni yozishda qatnashadi. Bilak muskullari o`zining olgan o`rniga ko`ra oldingi va orqa guruhlarga bo`linadi. Oldingi guruh muskullari asosan yelka suyagining ichki o`simtasidan boshlanadi va ikki qavat - yuza hamda chuqur qavat bo`lib joylashgan. Vazifasi jihatidan bular qo`l panjasi barmoqlarni bukuvchilar hamda pranatorga bo`linadi. Orqa muskullarning ko`pchiligi yelka suyagining tashqi o`simtasidan boshlanib, bular ham ikki qavat- yuza va chuqur qavat bo`lib, joylashadi, vazifasi jihatdan esa qo`l panjasi va barmoqlarni yozuvchilar hamda supenatorga bo`linadi.
Oldingi guruh muskullari qo`l panjasi va barmoqlarni bukadi, bilaklarni ichkariga bukadi, shuningdek yelka muskullari bilan birgalikda bilakni tirsak bo`g`imida bukadi. Orqa guruh muskullari qo`l panjasi va barmoqlarni yozadi, bilakni tashqariga buraydi, yelka muskullari bilan birgalikda bilakni yozishda ishtirok etadi.
Panja muskullari: panjani faqat kaft yuzasida joylashgan. Ular uch guruhga bo`linadi: bosh barmoq dumbaymasi guruhi, kaft chuqurchasidagi muskullar guruhi yoki o`rta guruhi va jimjiloq dumbaymasi muskullaridan iborat. Shunday qilib, panja barmoqlari xususan bosh barmoq o`z muskul apparatiga ega bo`lgani tufayli, katta haraktchanlikni kasb etadi va xilma-xil harakatlarni, jumladan maksimal bukish va yozish harakatlarni bajara oladiki, bu–ish vaqtida nihoyatda muhim.
Dasrning maqsadi: Qo`l sohasining erkin muskullarini tuzilishi, birikishi, vazifasi va joylashgan o`rni haqida aniq tushuncha hosil qilish.
Kerakli asboblar: maket, mulyaj, planshet, plakat, tablitsa, qog`oz, qalam, chizg`ich va o`chirg`ich.
Ishning borishi: Qo`lning erkin qo`l muskullarini aniq dalillar bilan talabalarga tushuntirish uchun qo`l muskullariga oid planshet, plakat, maket, mulyaj hamda tablitsalardan foydalaniladi. Keyin birin-ketin qo`l muskullar haqida ma’lumot beriladi. Amaliy darsi ma’ruza darsidan foydalangan holda o`tiladi. So`ngra talaba olgan bilimlariga asoslanib, muskullarni ketma-ketlikda yozadi.
Ishni rasmiylashtirishga doir tavsiyalar: Mavzuga oid muskullarni rasmlarini chizing.