N. B. Dilmurodov

Elka o‘simtalari orasidagi muskullar – m.m.interspinalis
ko‘krak va bel 
umurtqalarining elka o‘simtalari oralig‘ida joylashadi. Ular umurtqalarni tutib 
turish uchun xizmat qiladi. 

---

Boshning orqa tomondagi qiyshiq muskul –
m.obliguus capitis caudalis
yaxshi rivojlangan bo‘lib, epistrofey tarog‘i bilan atlant qanoti o‘rtasida joylashadi. 
Bu muskul qisqarganda bosh bir tomonga buriladi. 
Boshning old tomondagi qiyshiq muskul – m.obiguus capitis cranialis
atlant qanotidan boshlanib, ensa suyagi tarog‘ida tugaydi. Bu muskulning oldinga, 
yuqoriga va ozgina orqa tomonga o‘tadigan tolalari bo‘ladi. Bu muskul ham boshni 
bir tomonga burishda ishtirok etadi.
Boshning yuqorigi to‘g‘ri katta muskuli – m.rectus capitis dorsalis major
ikkinchi bo‘yin umurtqasining tarog‘idan boshlanib, to‘g‘ri ensa suyagiga o‘tadi. 
Bu muskul bir tuyoqlilarda yuza, uzun, chuqur va qisqa muskul tolalariga 
bo‘linadi. Ular ensa – atlant bo‘g‘imini yozishda ishtirok etadi. 
Boshning yuqorigi to‘g‘ri kichik muskuli –
m.rectus capitis dorsalis 
minor
ensa – atlant bo‘g‘imida joylashadi. Bu muskul boshni bir oz ko‘tarish 
uchun xizmat qiladi. 
Boshning yon tomondagi to‘g‘ri muskuli –
m.rectus capitis lateralis
atlantning qanot chuqurchasidan boshlanib, bo‘yinturuq o‘simtasida tugaydi. Bu 
muskul ensa – atlant bo‘g‘imini bukish uchun xizmat qiladi. 
Dumni ko‘taruvchi qisqa muskul –
m.sacrococygeus dorsali medialis 
s.brevis
dum umurtqalarining ustki yuzasida joylashib, dumg‘aza suyagining oxirgi 
va I dum umurtqasidan boshlanib, II – III umurtqadan o‘tib tugaydi. Bu muskul 
qisqarganda, dum yuqoriga ko‘tariladi. 
Dumni ko‘taruvchi uzun muskul 
– 
m.sacrococcygeus dorsalis lateralis
anchagina rivojlangan bo‘lib, dum usti o‘simtalarining yon tomonida joylashadi. 
Bu muskul dumg‘aza suyagining so‘rg‘ichsimon o‘simtasidan boshlanib, V dum 
umurtqasida tugaydi. U dumni ko‘tarish va yon tomonlarga silkish uchun xizmat 
qiladi.