N. B. Dilmurodov

Ko‘krakning yuza muskuli – m. pectoralis superficialis
o‘z navbatida, ikki 
qismga, ya’ni elka va elka oldi qismlariga bo‘linadi. Har ikkala qismi ham to‘sh 
suyagining oldidan boshlanib, elkaning ikki boshli muskuli fassiyasida va elka 
suyagining tarog‘ida tugaydi. Ko‘krakning yuza muskuli oldingi oyoqni old 
tomonga tortish va tanani oldinga itarish uchun xizmat qiladi. 
Ko‘krakning chuqur muskuli –
m.pectoralis profundus
yaxshi rivojlangan 
bo‘lib, yuza muskulga o‘xshash, hamma hayvonlarda ikki qismdan tuzilgan: elka 
qismi 
– pars brachialis
chin qovurg‘alar ustidagi qorin fassiyasidan boshlanib, 
elka suyagining katta – kichik do‘ngliklarida tugaydi. Qorako‘l qo‘ylarda IX – X 
qovurg‘a tog‘aylarining ustidan boshlanib, elka suyagining ichki yuzasida tugaydi. 
Bu muskul patski tishsimon va qorindagi tashqi qiyshiq muskullar bilan qoplanib 
turadi. Kurak oldi qismi – 
pars praescapularis
otlarda boshqa hayvonlardagiga 
qaraganda ancha yaxshi rivojlangan bo‘lib, oldingi II – IV qovurg‘alar 
ro‘parasidan boshlanadi va elka bo‘g‘imi yonidan kurak suyagi oldiga o‘tib, 

---

muskul fassiyasida tugaydi. Bu muskullar ham tanani oldinga itaradi, elka 
bo‘g‘imini yozadi hamda oyoqlarni tanaga birlashtirib turadi. 
 
Tana muskullari 
Tana muskullari uch guruhga bo‘linadi: a) umurtqa pog‘onasi muskullari; b) 
ko‘krak devori muskullari; v) qorin devori muskullari. 
 
Umurtqa pog‘onasi muskullari 
Umurtqa pog‘onasi muskullari har xil shakldagi bir nechta muskullardan 
iborat bo‘lib, ular umurtqa pog‘onasining orqa va old tomonida joylashadi. 
Funksiyasiga ko‘ra bosh va dumni harakatga keltiruvchi muskullar ham shu 
guruhga kiradi. 
Umurtqa pog‘onasining orqa tomon muskullari.