N. B. Dilmurodov

Rombsimon muskul -
m.rhomboideus 
romb shakliga ega bo‘lib, 
trapetsiyasimon muskulning ostida joylashadi. Bu muskul ham elka va bo‘yin 
qismlariga bo‘linadi. Bo‘yin qismi – 
pars cervicales
kavsh qaytaruvchi 
hayvonlarda II bo‘yin umurtqasi ro‘parasidan boshlanib, III ko‘krak umurtqalari 
ustida tugaydi. Elka qismi – 
pars dorsalis
III – VII ko‘krak umurtqalari 
ro‘parasidan boshlanib, kurak tog‘ayining ichki yuzasida tugaydi. Rombsimon 
muskul qisqarganda kurak suyagi yuqoriga ko‘tariladi, bo‘yin yon tomonlarga 
buriladi. Chuchqalarda va yirtqich hayvonlarda bo‘yindan bosh tomonga o‘tib, 
ensa suyagiga birlashadi. Rombsimon muskul otlarda ham ikki qismga bo‘linib, 
VIII – IX ko‘krak umurtqalarining ustigacha etib boradi. Qo‘ylarda rombsimon 
muskulning oldingi qismi torroq, orqa qismi to‘rtburchak shaklda bo‘ladi. 
Pastki tishsimon muskul –
m.serratus ventralis
elpig‘ich shaklida bo‘lib, 
bo‘yin va ko‘krak qismlarga bo‘linadi. Bu muskul yaxshi rivojlangan va bo‘yin 
umurtqalari bilan ko‘krak devorining pastki qismi o‘rtasida, kurak suyagi ostida 
joylashadi. Bo‘yin qismi - 
m.serratus ventralis cervicus 
juda kuchli bo‘ladi. Bu 
bo‘lim qoramollarda bo‘yin umurtqalarining ko‘ndalang qovurg‘asimon 
o‘simtalaridan alohida iplar holida boshlanib, kurak suyagining tishsimon yuzasida 
tugaydi. CHo‘chqalarda butun bo‘yin umurtqalaridan va I dan VII gacha bo‘lgan 
qovurg‘alardan boshlanib kurak suyagining ostida tugaydi. Qo‘ylarda bo‘yin qismi 
III – VII bo‘yin umurtqasidan, ko‘krak qismi esa III – IX qovurg‘alardan 
boshlanib, kurak suyagining oldingi ichki yuzasida tugaydi. Ko‘krak qismi 
– 
m.serratus thoracis
kavsh qaytaruvchi hayvonlarda VI – VII qovurg‘alardan ayrim 
tishchalar holida boshlanib, kurak suyagining orqa tomonida tugaydi. Otlarda 
pastki tishsimon muskulning bo‘yin qismi III – IV bo‘yin umurtqasidan, ko‘krak 
qismi esa VIII – IX qovurg‘alardan boshlanib, har ikkalasi ham kurak suyagining 
ostida tugaydi. Bu muskul tanani oldingi oyoqqa birlashtirib, ko‘tarib turish uchun 
xizmat qiladi. Qisqarganda kurak suyagini oldinga va keyinga harakatlantiradi.