1-sinf, 42-dars Mavzu

Aim.Uz

1-sinf, 42-dars


Mavzu: “O‘tirib g‘ujanak bo‘lish, yon tomonlarga dumalash va oldiga, orqaga umboloq oshish”ni o‘rgatish.
o‘
Mavzu yuzasidan metodik tavsiyalar:
Bu yoshdagi o‘quvchilarga akrobatika mashqlaridan umboloq oshishni o‘rgatishda asta sekinlik bilan mashg‘ulotlarni olib borish lozim. Ularning suyaklari va bo‘g‘inlari hali mo‘rt bo‘lgani uchun sal nojo‘ya harakat oqibati
da tan jarohati olishi mumkin.
G‘ujanak bo‘lish. G‘ujanak bo‘lishni bajarishda gavdaning barcha bo‘g‘inlarni oldinga maksimal darajada bukiladi. Bunda tizzalar yonga ozgina ochilgan bo‘lib, engak ko‘krakka qattiq tiralidi; qo‘llar bukilgan holda oyoq boldirlari o‘rtasidan ushlangan holatda turiladi.
G‘ujanak bo‘lib orqaga, oldinga dumalash. Orqaga dumalashni bajarish uchun cho‘qqayib o‘tirgan holatda g‘ujanak bo‘lib bajariladi. Bunda tizzalar bukib o‘tiriladi. Tovonlar bir oz kengroq qo‘yilib, qo‘llar bilan boldirning tashqi qismlari ushlanadi va oyoqlar ko‘krakka tortiladi. Ana shu holatda ohista boshdan oshib o‘tmasdan (koptokka o‘xshab) tana qismlari, yani bel, bo‘yin qismlari ketma-ket tegadi hamda dastlabki holatga qaytiladi.


Oldinga umboloq oshish. Cho‘qqayib otirgan holatda qo‘llar kaftini gimnastika matiga qo‘yiladi. Bunda oraliq masofa 40-50 sm bo‘lishi mumkin. Gavdani og‘irligini qo‘llarga o‘tkazib, oyoqqa turiladi. Bosh orqaga aylanib yumshoqina gimnastika matiga bo‘yinni, kurakni tekkaziladi. Kurakni gimnastika matiga tegishi bilan tezda g‘ujanak holatiga o‘tib, dastlabki holatiga o‘tiladi.


Mashg‘ulot bosqichlari
Mavzu : Akrobatika mashqlari. “O‘tirib g‘ujanak bo‘lish, yon tomonlarga dumalash va oldiga, orqaga umboloq oshish”ni o‘rgatish.
Maqsad: O‘quvchilarga akrobatika elementlarini o‘rgatish bilan birga jismoniy sifatlardan egiluvchanlik, kuch va epchillik jismoniy sifatlarini rivojlantirish.